Mathayo 26:7 - MUMA MALER 2015

⁷ dhako moro nobiro ire gi chupa molos gi alabasta, moting’o mo mang’ue ng’ar ma nengone tek, mi oolo e wi Yesu, ka Yesu chiemo.

Motingʼo Loko Manyien

⁷ dhako moro nobiro ire gi chupa mar alabasta, mopongʼ gi mo mangʼwe ngʼar kendo ma nengone tek, kendo noole duto e wiye sa ma nobet kochiemo e mesa.

Mathayo 26:7 Iomraidhean Croise

2 Ruodhi 9:1

Elisha janabi noluongo achiel kuom jonabi, mowachone niya, “Ng’wan lepi, idhi Ramoth-gilead gi puga mar morni.

Zaburi 133:2

Dak ma kamano chalo gi mo ma nengone tek, mowirgo wi Harun, kendo chuer ka mol e tike nyaka riak lawe.

Eklesiastes 10:1

Kaka lwang’ni motho nyalo ketho mo mang’ue ng’ar mi dum tik marach, e kaka fuwo matin nono bende nyalo ketho rieko maduong’.

Eklesiastes 9:8

Pile onego irwakri maber, kendo ibed mamor.

Wer Mamit 1:3

Mo miwirorigo ng’we ng’ar. Kata mana nyingi kawinjo to dumna mamit ka mo mopukore, omiyo nyiri duto oheri.

Isaya 57:9

Ne iwirori gi modhi mondo ilomb nyasaye manono miluongo ni Molek, kendo ne ibukori gi poda mang’eny mang’ue ng’ar, mi ioro jooteni kuonde maboyo, koda ka e Pinje Joma Otho.

Mathayo 26:8

To kane jopuonjrene oneno kamano, mirima nomakogi, mi gipenjore niya, “Morni iketho nang’o?

Mariko 14:3

Kane Yesu ni Bethania, ka chiemo e od Simon jadhoho, dhako moro nobiro gi chupa molos gi alabasta, moting’o mo mang’ue ng’ar ma nengo ne tek miluongo ni nard. Ne oturo ng’ut chupano mi oolo morno ewi Yesu.

Luka 7:46

Bende ne ok iwiro wiya gi mo. En to osewiro tienda gi mo mang’ue ng’ar.