Mathayo 26:40 - MUMA MALER 2015

⁴⁰ Eka nodok ir jopuonjrene adek kande, moyudo ka nindo oterogi, mi owacho ni Petro ni, “Kara unindo! Ok unyal konya rito kata mana kuom sa achiel kende?

Motingʼo Loko Manyien

⁴⁰ Bangʼe nodok ir jopuonjrene monwangʼo ka ginindo. Nopenjo Petro niya, “Joka ma, ne ok unyal rito koda kata kuom sa achiel kende?

Mathayo 26:40 Iomraidhean Croise

1 Ruodhi 20:11

Ruodh Israel nodwoko ni, “Wachneuru niya, ‘Ng’ama rwako gilweny kik pakre ka ng’ama oselonyogi!’ ”

Wer Mamit 5:2

Ne oyudo anindo to chunya wuotho. Eka ne awinjo ka jaherana dwong’o dhoot, kawacho niya, “Yawna, chiega ma jaherana, kendo winja majaber. Wiya otimo pi nikech tho omokoe. Adier, yie wiya ng’ich nikech ng’ich mar otieno.”

Mathayo 25:5

To wuon kisera noriwore, omiyo ne ginur giduto, mi nindo oterogi.

Mathayo 26:35

To Petro nokone niya, “Ooyo, ok nakwedi ngang’ kata ka ochuno ni nyaka atho kodi.” Jopuonjrene mamoko duto bende nowacho mana kamano.

Mathayo 26:38

Nowachonigi niya, “Chuny lit ma an-go lich, madwaro mana nega. Beduru ka, kukonya rito.”

Mathayo 26:41

Beduru kuneno mondo ulem, kik udonj e tem. Adier, chuny oyie, to ringruok ema nyap.”

Mathayo 26:43

Ne ochako odwogo, monwang’o ka nindo ochako oterogi nikech wengegi ne pek.

Mariko 14:37

Ne odok ir jopuonjre adek kande, monwang’o ka nindo oterogi, mi openjo Petro niya, “Simon, inindo? Ok inyal neno kata mana kuom sa achiel kende?”

Luka 22:45

Kane oa malo bang’ lemo, ne odok ir jopuonjrene, mi onwang’o ka nindo oterogi, nikech chunye ne lit.

Luka 9:32

Nindo notero Petro kod joma ne gin-go, to kane gichiew ne gineno duong’ maler mar Yesu, kaachiel gi ji ariyo mane ochung’ kode kande.

Jong’ad Bura 9:33

To kiny gokinyi ka piny oru, uwuog kuma upondoe, mondo umonj dala apoya. Ka Gaal gi jogi jowuok mondo oked kodu, to timnegiuru gima uneno!”