Mathayo 26:39 - MUMA MALER 2015

³⁹ Eka nochwalore nyime matin, mopodho piny auma, kolemo niya, “A Wuora, kanyalore to kikombe mar masira ni mondo okadha; to kik obed kaka an ema adwaro to mana kaka in ema idwaro.”

Motingʼo Loko Manyien

³⁹ Ne ochwalore nyime matin bangʼe ogoyo chonge piny kokulore nyaka e lowo eka olemo niya, “Wuora, kanyalore to yie mondo kikombeni ogol kuoma. To ok kaka an ema adwaro to mana kaka in ema idwaro.”

Mathayo 26:39 Iomraidhean Croise

Chakruok 17:3

Abram nogoyo chonge piny, mokulore nyaka e lowo, mi Nyasaye nowachone niya,

2 Samuel 15:26

To ka Ruoth Nyasaye owacho ni ok an ng’at malong’o e nyime, to era e, mondo otimna gima ohero.”

1 Weche mag Ndalo 21:16

Daudi nong’iyo malo moneno malaika mar Ruoth Nyasaye kochung’ e kind polo gi piny ka en gi ligangla e lwete ma nodwaro tiekogo Jerusalem. Daudi gi jodonge noriere piny auma ka girwakore gi pien gugru.

Isaya 50:5

Ruoth Nyasaye oseyawo ita, mi ok asetamora winjo wachne, bende ok aselokora mi aweye.

Isaya 53:12

Kuom mano, anamiye pok kaachiel gi joma dongo, kendo enopog gik moyaki gi joma rateke, nimar ne ochiwore chuth, mi otho, kendo ne okwane kaka achiel kuom joricho, nikech ne oting’o richo ji mang’eny, kochung’ kar joricho e nyim Nyasaye.

Ezekiel 1:28

To lerno ne nigi kido duto machalo gi kit lihudu manie kor polo ka koth chue. Mano e kaka duong’ maler mar Ruoth Nyasaye ne chalo!

Kwan 14:5

Musa gi Harun ne jopodho piny mana e nyim oganda jo-Israel,

Kwan 16:22

To ne gipodho piny auma, ka giwacho niya, “A Nyasaye ma Nyasach ngima, bende mirima nyalo maki gi oganda duto mana nikech richo mar ng’ato achiel?”

Mathayo 20:22

To Yesu nodwokogi niya, “Ok ung’eyo gima ukwayo! Uparo ni unyalo madho kikombe mar masira ma abiro madho?” Ne gidwoke ni, “Ee, wanyalo.”

Mathayo 24:24

nikech Mesia mag miriambo kod jonabi ma ok madier notuchi. Ginitim ranyisi madongo kod honni, mondo kanyalore to giwuondgo kata mana joma Nyasaye oyiero.

Mathayo 26:42

Yesu nochako odok mar ariyo, mi olemo niya, “Wuora, ka kikombeni ok nyal kadho mak amadho, to gima idwaro ema mondo otimre.”

Mariko 13:22

nikech Mesia mag miriambo kod jonabi ma ok madier notuchi. Ginitim ranyisi kod honni, mondo kanyalore to giwuondgo kata mana joma Nyasaye oyiero.

Luka 17:16

Ne ogoyo chonge piny, mokulore e tiend Yesu, kogoyone erokamano. To ne en ja-Samaria!

Johana 11:41

Kuom mano ne ging’ielo kidi oko. Yesu nong’iyo malo, mowacho niya, “Wuora, agoyoni erokamano nikech isewinja.

Johana 14:31

Gigo duto nyaka timre kamano mondo piny ong’e ni ahero Wuora, kendo ni atimo mana gik ma Wuora nyisa mondo atim. “Koro chung’uru mondo wawuog wadhi!

Johana 18:11

To Yesu nokwero Petro niya, “Dwok liganglani e olalo! Iparo ni ok onego amadh kikombe mar masira ma Wuora osemiya koso?”

Johana 5:19

To Yesu nodwokogi niya, “Adier, adier awachonu ni, Wuowi ok nyal timo gimoro kende owuon, to otimo mana gima oneno ka Wuoro timo, nikech gima Wuoro timo, ema Wuowi bende timo.

Johana 5:30

“An ok anyal timo gimoro gi tekona awuon. Ang’ado bura mana kaka Nyasaye onyisa, kendo bura mang’ado en bura makare, nikech ok adwar timo gima an ema adwaro, to atimo mana gima Jal mane oora dwaro.

Johana 6:38

nikech ok aselor aa e polo mondo atim gik ma Jal mane oora dwaro.

Tich Joote 10:25

Kane Petro ochopo, Kornelio noromone, mi ogoyo chonge piny e tiende, kamiye duong’.

Jo-Filipi 2:8

to nobolore, kendo nowinjo wach nyaka tho, mana tho mar msalaba!

Jo-Hibrania 5:7

E ndalo mane Yesu odak e pinyni ka dhano, ne olemo, kendo osayo Nyasaye mane nyalo rese e tho, ka oywak malit, kendo pi wang’e chuer. Nyasaye nowinjo ywakne nikech dembruokne.

Fweny 19:10

Ne apodho piny e tiende mondo alame, to nokwera ni, “Ngang’! Kik itim kamano! An mana jatich wadu matiyo kodi kaachiel gi oweteni mamoko. Wan duto wahulo wach man kuom Yesu. Nyasaye kende ema mondo ilam. Adiera ma Yesu kelo ema miyo jonabi koro wach.”