Mathayo 26:3 - MUMA MALER 2015

³ To e kindeno, jodolo madongo kod jodong oganda ne jochokre e laru mar jadolo maduong’ ma nyinge Kaiafa.

Motingʼo Loko Manyien

³ Eka jodolo madongo gi jodong oganda nochokore e dala jadolo maduongʼ, mane nyinge Kaifas,

Mathayo 26:3 Iomraidhean Croise

Zaburi 56:6

Gichokore kama opondo, kendo ging’iyo gik moko duto ma atimo, ka gikiya mondo ginega.

Jeremia 11:19

Ne achalo gi nyarombo mogol e abila, ka kia ni idwaro nego, kendo ne ok ang’eyo ni ichano gik marichogo kuoma. Ne giwacho niya, “Wanegeuru mondo nyinge olal nono.”

Jeremia 17:27

To ka ok giluora, mi gitamore rito chieng’ Sabato obed maler, kendo giting’o misigo moro amora ka gikadho e dhorangeye mag Jerusalem chieng’no, to anamok mach e dhorangeye mag Jerusalem, mi majno nowang’ ut ruodhi mag Jerusalem, kendo onge ng’ama nonege.”

Mathayo 26:69

To noyudo Petro obet oko e laru. Jatich moro manyako nodhi ire, mowachone niya, “In bende ne in kod Yesu ja-Galili.”

Mathayo 27:27

Bang’e askeche ruoth nokawo Yesu, motero e laru mar od ruoth, mi gichoko askeche duto, molwore.

Mariko 14:54

Petro noluwo bang’e gi chien nyaka e laru mar od jadolo maduong’, mobet kuno kooyo mach gi jorit.

Mariko 14:66

E kindeno duto, Petro ne ni mwalo e laru, kendo achiel kuom nyiri matiyo ni jadolo maduong’ nobiro kanyo.

Mariko 15:16

Askeche nokawo Yesu, motero e laru mar od ruoth, mi giluongo askeche mamoko duto.

Luka 22:55

Kane gisemoko mach e laru, mi gibet piny kanyo, Petro nobiro mobet kodgi.

Luka 3:2

kendo Anas gi Kaiafa ne jodolo madongo, wach Nyasaye nobiro ni Johana wuod Zekaria e thim.

Johana 11:57

Ne giwacho kamano nikech noyudo jodolo madongo gi jo-Farisai osegolo chik ni ka ng’ato ong’eyo kama Yesu nitie, to nyaka ohul, mondo omake.

Johana 18:24

Bang’ mano, Anas notero Yesu kapod otue ir Kaiafa, jadolo maduong’.

Johana 18:28

Ne gigolo Yesu e dala Kaiafa, mi gitero e od bura mar ruoth. Ne en okinyi mang’ich. To jo-Yahudi ne ok odonjo e odno, nikech ne ok gidwar bedo mogak, ma dimon-gi chamo Pasaka.