Mathayo 24:7 - MUMA MALER 2015

⁷ nimar ogendini noked gi ogendini wetegi, kendo ruodhi nomonj ruodhi wetegi. Kech bende nowuogi, kendo piny noyiengini kuonde mopogore opogore.

Motingʼo Loko Manyien

⁷ Oganda noked gi oganda machielo, kendo pinyruoth gi pinyruoth machielo. Kech nobedi kuonde mangʼeny kendo piny noyiengni kuonde mopogore opogore.

Mathayo 24:7 Iomraidhean Croise

2 Weche mag Ndalo 15:6

Ginitiekre kendgi ka libamba kedo gi libamba kendo dala kedo gi dala, nimar Nyasaye nomigi thagruok mang’eny.

Isaya 19:2

Owacho niya, “Abiro thuwo jo-Misri e kindgi giwegi, mi ng’ato ka ng’ato gore gi wadgi. Dala ka dala noked gi dala machielo, kendo gweng’ ka gweng’ bende noked gi wadgi.

Isaya 29:6

Piyopiyo nono, Ruoth Nyasaye manyalo Gik Moko Duto biro biro mondo okonyi. Polo nomor, kendo piny noyiengni gi koko maduong’. Kodh yamo bende nobedie, gi kalausi, kod polo ma goyo gik moko.

Ezekiel 14:21

“Koro an Ruoth Nyasaye awacho kama: Ka kamano, Jerusalem none malit machal nadi, ka akumogi gi lweny gi kech gi ondiegi kod tho marach, ma gin kumna ang’wen marichoe moloyo, mabiro nego ji kod jamni machalre?

Ezekiel 21:27

Adier, abiro ketho dalano chuth, mi lokre gunda. To mano ok notimre nyaka chop ka ruoth mowinjore gi loch obiro, kendo en ema abiro miye osimbono.

Zekaria 14:13

Chieng’no Ruoth Nyasaye nogogi gi kihondko malich, kendo ng’ato ka ng’ato nomak wadgi mondo ogorego.

Luka 21:11

Piny noyiengni matek, kendo kech gi tuoche nobedie kuonde mopogore opogore. Gik malich mabwogo ji, kod honni madongodongo bende notimre e polo mondo obed ranyisi.

Tich Joote 11:28

Achiel kuomgi ma nyinge Agabo nohulo gi teko mar Roho ni kech maduong’ ne biro kwako piny duto. (Kejno nowuok e ndalo loch Klaudio, ruodh jo-Rumi.)

Tich Joote 2:19

Anatim honni e polo malo, kendo naket ranyisi e piny mwalo, kaka remo gi mach kod iro madhuolore.

Jo-Hibrania 12:27

To wach mawachoni, “Pod nyadichiel kende,” nyisowa ni ibiro golo gik mayiengni, tiende ni gik moko mosechue mondo gik ma ok yiengni ema odong’ osiki.

Fweny 6:12

Eka ne ang’icho, kendo kane Nyarombo oketho kido mar auchiel, to piny noyiengni matek. Wang’chieng’ nolokore marateng’ ti, kendo due nolokore makwar ka remo.

Fweny 6:5

Bang’ mano Nyarombo noketho kido mar adek, kendo ne awinjo gima ngima mar adek kawacho ni, “Bi!” Ne ang’icho mi aneno faras marateng’. Ng’at moidhe noting’o rapim mar ratil e lwete.

Fweny 6:6

Eka ne awinjo gimoro machalo gi dwol kawuok e dier gik mangima ang’wen-go kawacho niya, “Ogudu mar bel koro nengone romo pok jatich kuom odiechieng’ achiel, kendo ogute adek mag oduma bende nengone mana kamano! To nengo mor zeituni gi divai to kik imedi.”

Fweny 6:8

Eka ne ang’icho mi aneno faras marabuor. Nying ng’at moidhe ne Tho, to Piny Joma Otho ne luwo machiegni. Ne omigi teko kuom bath piny moromo achiel kuom ang’wen, mondo gimi lweny kata kech kata tuoche kata ondiegi maricho mae piny oneg ji.