Mathayo 23:5 - MUMA MALER 2015

⁵ Gik moko duto ma gitimo, gitimo mana ni mondo ji onegi. Gitueyo gik madongo moting’o weche Muma, e pat wag’gi kendo e bedegi, kendo girwako lewni momin usi maboyo e riakgi,

Motingʼo Loko Manyien

⁵ “Gimoro amora ma gitimo gitimo mondo ji one. Kuom ranyisi, giloso sanduku mag-gi motingʼo kwan mag ndiko mimako gi wich madongo dongo, kendo gikado riak lepgi maboyo boyo.

Mathayo 23:5 Iomraidhean Croise

2 Ruodhi 10:16

kowachone niya, “Bi wadhi mondo ine kaka atiyo ni Ruoth Nyasaye gi kinda.” Kamano Jehu notero Jehonadab Samaria gi geche.

Wuok 13:9

Raparni nyaka bed ka kido e lwetu, kendo ka ranyisi e lela wang’u mondo usik kuwacho chik Ruoth Nyasaye e dhou, nimar Ruoth Nyasaye nogolou Misri gi tekone maduong’.

Ngeche 3:3

Kik iwe luoro kod adiera lalni, to tuegi e ng’uti, kendo ndikgi e chunyi.

Tim jo-Lawi 13:32

Nyaka orang kama litno chieng’ mar abiriyo, to koyudo ni kama otimo bukno ok olandore, kendo ni yier man kanyo ok olokore mamarmar, kendo ni kama litno ok odonjo ei pien,

Mathayo 9:20

To dhako moro mane iye osechuer kuom higni apar gariyo nosudo gi yoka ng’e Yesu, momulo riak lawe,

Luka 16:15

To Yesu nowachonigi niya, “Un e joma wuorore e nyim ji ni joma kare, to Nyasaye ong’eyo chunyu. Ng’euru ni Nyasaye ochayo gik moko ma dhano kwano ka gik madongo.

Luka 20:47

Gin joma yako ut mond liete, ka giriasore gi lemo moyware. Gininwang’ kum marach moloyo!”

Johana 12:43

nimar ne gihero pak mar dhano moloyo pak mar Nyasaye.

Johana 5:44

To ere kaka unyalo bedo gi yie, kuhero mondo ng’ato ka ng’ato oyud pak kuom wadgi, to ok utem mondo uyud pak moa kuom Nyasaye ma achiel kende.

Johana 7:18

Ng’at ma loso gi tekone owuon en ng’at madwaro mondo oyud duong’, to ng’at madwaro mondo ng’at mane oore oyud duong’ en jaadiera, kendo oonge gi miganga kata matin.

Rapar mar Chik 11:18

Kanuru wechegi e chunyu, kutueyogi ka ranyisi e lwetu, kendo kuketogi e lend wengeu ka kido.

Rapar mar Chik 22:12

“Nyaka iket usi momin e konde ang’wen mag lawi mar abola.

Rapar mar Chik 6:8

Tuegiuru ka ranyisi e lwetu, kendo mien-giuru e lend wang’u ka kido,

Jo-Filipi 1:15

Ang’eyo ni jomoko lando wach Kristo ka nigi ichlit kod miero. Jomoko to lande ka chunygi ler adier.

Jo-Filipi 2:3

Kik ubed gi piem kata sunga, to beduru mobolore, ka ukwanoru ka joma tindoe moloyo jomoko,

2 Jo-Thesalonika 2:4

Obiro sungore, kokwero gimoro amora miluongo ni nyasaye, kata gimoro amora milamo. Enohedhre kata mana bet e Hekalu mar Nyasaye, kohulo owuon ni en Nyasaye.