Mathayo 23:4 - MUMA MALER 2015

⁴ Gitueyo misike mapek, mohewo ji ting’o kendo giketo e gok ji, to gin giwegi ok gimul misikego kata mana gi lith luetgi.

Motingʼo Loko Manyien

⁴ Gitweyo misigo mapek kendo giyieyo e goke ji, to gin giwegi to ok giikore kata mar mulo misigogo gi lith lwetgi.

Mathayo 23:4 Iomraidhean Croise

Isaya 46:1

Nyiseche Babulon ma Bel gi Nebo okulore piny ka luoro omako. Yande ji ting’ogi ating’a ka miyogi duong’, to koro kenje gi jamni ema oting’ogi, ka gilokore ting’ maturo jamni mool!

Mathayo 23:23

Yesu nomedo wacho niya, “Mano kaka unune malit, un jopuonj Chik gi jo-Farisai, mawuondore ni ohero Nyasaye! Uketo chunyu mana kuom chiwo ni Nyasaye mich mar achiel kuom apar mag alode maonge tich kaka apoth, gi onyulo, kod ododo, to uweyo gik madongo ma Chik dwaro, kaka ng’ado bura kare, gi bedo mang’won kod bedo jaadiera. Gik madongogo ema onego bed ni utimo, to mamokogo bende ok onego uwe mak utimo.

Mathayo 23:3

Emomiyo timuru gik ma giwachonu, kendo chikuru itu nikech gipuonjo ji, to ok gitim gik ma gipuonjo.

Luka 11:46

Yesu nodwoke ni, “Mano kaka un bende unune malit, un jopuonj Chik, nikech ugango ni ji misike mapek mohewogi ting’o, to un uwegi ok umulgi kata mana gi lith lwetu.

Tich Joote 15:10

Koro ere gima omiyo udwaro temo Nyasaye, kumiyo jopuonjre ting’ mapek mane kwerewa ok nyal ting’o, kata ma wan bende ok wanyal ting’o?

Tich Joote 15:28

En dwaro mar Roho Maler kod dwaro marwa ni mondo kik waket ting’ moro mapek kuomu mak mana chike moko mowinjore, ema onego uluw.

Jo-Galatia 6:13

To kata mana jogo moramo ni nyaka ter ji nyangu ok mak Chik, to gidwaro ni mondo oteru nyangu mana ni mondo gipakre kuom gima otim e ringreu.

1 Johana 5:3

nikech hero Nyasaye en mako chikene. Chike Nyasaye ok tek rito,

Fweny 2:24

“ ‘To un ji mamoko duto man Thuatira, ma ok oseluwo puonjno, bende mapok ong’eyo gima jomoko luongo ni, ‘Weche matut mag Satan’, ok amiu ting’ moro mapek.