Mathayo 23:16 - MUMA MALER 2015

¹⁶ “Mano kaka unune malit, un jotelo ma muofni! Uwacho ni ka ng’ato okuong’ore gi nying Hekalu, to mano onge wach, to ka okuong’ore gi nying dhahabu manie Hekalu, to wach omake.

Motingʼo Loko Manyien

¹⁶ “Malit ochomou, jotelo ma muofnigi! Uwacho ni, ‘Ka ngʼato okwongʼore gi nying hekalu to onge wach, to ni ka ngʼato okwongʼore gi nying dhahabu mar hekalu to kwongʼruokneno otweye.’

Mathayo 23:16 Iomraidhean Croise

Isaya 9:16

Jotend jogi osewitogi. Omiyo joma onego telnigi ok ong’eyo gima onego gitim.

Mathayo 15:14

Omiyo wegiuru aweya! Gin jotelo mamuofni. Ka muofu otelo ni muofu wadgi, to donge giduto ginyumore e bur?”

Mathayo 23:13

“Mano kaka unune malit, un jopuonj Chik gi jo-Farisai, ma wuondore ni ohero Nyasaye! Uchiego ni ji dhoranga Piny Ruodh Polo, to un uwegi ok udonjie, to eka joma dwaro donjoe be utamo. [

Mathayo 23:17

Un muofni mofuwogi! Ere gima duong’ moloyo wadgi? Dhahabu, koso Hekalu mamiyo dhahabu bedo gima owal ni Nyasaye?

Mathayo 23:19

Mano kaka un muofni! Ere gima duong’? Chiwo koso kendo-mar-misango mamiyo chiwo bedo mowal ni Nyasaye?

Mathayo 23:24

Un jotelo ma muofni, magolo gik matindo kaka ojur e gima umadho, to gik madongo ka ngamia, to umwonyo amwonya!

Mathayo 23:26

Un jo-Farisai ma muofni, kwonguru ulwok kai agwata, eka ng’eye bende obed maler!

Jo-Galatia 5:3

Achako awacho kendo ni, ng’ato ka ng’ato moter nyangu nigi gowi mar mako Chik Musa duto te.

Jakobo 5:12

To owetena, gima duong’ie moloyo gik moko duto en ni, ka usingoru e wach moro, to kik ukuong’oru, bed ni ukuong’oru gi polo, kata gi piny, kata gi gimoro amora. Kudwaro wacho ni, “Ee,” to wachuru mana ni, “Ee” kende. Kata kudwaro wacho ni, “Ooyo,” to wachuru mana ni, “Ooyo,” mondo kik buch Nyasaye lou.