Mathayo 21:43 - MUMA MALER 2015

⁴³ “Emomiyo awachonu ni Loch Nyasaye ibiro golo kuomu, kendo nomiye oganda moro manyalo nyago olemo makare. [

Motingʼo Loko Manyien

⁴³ “Emomiyo anyisou ni pinyruodh Nyasaye ibiro gol kuomu kendo mi oganda machielo ma biro nyago olemo mare.

Mathayo 21:43 Iomraidhean Croise

Wuok 19:6

Unubed oganda mowal, matiyona ka jodolo.’ Mano e wach ma onego inyis jo-Israel.”

Isaya 26:2

Yawuru dhorangeye mondo oganda moyie kuom Nyasaye odonji.

Isaya 28:2

Winjuru! Ruoth Nyasaye biro kelo ng’at maratego moseyiero mondo oketh pinyu. Obiro biro mana ka yamb koth makelo pe, maketho piny, kata mana ka pi ohula mabubni kaywoyo gik moko.

Mathayo 12:28

To ka agolo jochiende gi teko mar Roho mar Nyasaye, to kara ng’euru ni Loch Nyasaye osechopo kuomu.

Mathayo 21:41

Ne gidwoke ni, “Enoneg jomarichogo gi nek marach, mi okaw puotheno omi jopur moko nono manyalo miye olemo monego oyudi e kinde ka kinde ma olemo ochiekie.”

Mathayo 21:42

Eka Yesu nopenjogi ni, “Pok usomo e Muma niya, ‘Kidi mane jogedo odagi, ema koro osedoko kidi motegno moriwo kor ot. Mano en tich Ruoth Nyasaye, kendo en gima lichnwa miwuoro’?

Mathayo 21:44

Ng’ato ang’ata mopodho kuom kidino, notur matindotindo, to ka kidino ema opodho kuom ng’atno, to norege ka buru!]”

Johana 3:3

To Yesu nodwoke niya, “Adier, adier, awachoni ni ka ok onywol ng’ato nywol manyien, to ok onyal neno Loch Nyasaye.”

Johana 3:5

To Yesu nodwoke niya, “Adier, adier awachoni ni, ka ng’ato ok onywol gi pi kendo gi Roho, to ok onyal donjo e Piny Ruoth Nyasaye.

1 Jo-Korintho 13:2

Kata da bed ni an gi mich mar hulo wach moa kuom Nyasaye, kendo ang’eyo midhierni kod rieko duto, kendo kata da abed gi yie mogik ma anyalo gologo gode kuonde ma gintie, to aonge gi hera, to ok an gimoro ngang’!

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!