Mathayo 21:34 - MUMA MALER 2015

³⁴ To kane ndalo pono mzabibu ochopo, nooro jotichne ir jopurgo, mondo oomne olemo monego oyudi.

Motingʼo Loko Manyien

³⁴ Kane kinde keyo koro chiegni, nooro jotichne ir jorit puothego mondo oomne olembe mowuok e puothe.

Mathayo 21:34 Iomraidhean Croise

Isaya 5:4

En ang’o mane onego atim e puotha mane ok atimo? To kane atimo gik moko duto mowinjore, to ere gima omiyo ne onyago mana olemo makech, to ne ageno ni obiro nyagona olemo mabeyo?

Jeremia 35:15

Bende asebedo ka aoronu jotichna ma jonabi, kendo gisekwerou ni mondo uwe timbe maricho, utim gik makare. Ne gisiemou ni uwe lamo nyiseche mamoko mondo udag aming’a e piny mane amiyou gi kwereu. To ne ok unyal winja, kata chiko itu kuom gima awacho.

Mathayo 21:35

To jopur nomako jotichnego mi ogoyo achiel, to moro ginego, kendo machielo gigoyo gi kite.

Mathayo 21:38

To kane jopurgo oneno wuode ne giwacho e kindgi giwegi ni, ‘Jali ema biro bedo wuon lowo, omiyo biuru wanege, mondo wakaw lope.’

Mathayo 21:40

“To koro apenjou ni, ka wuon puodho obiro, to ang’o ma notim ni jopurgo?”

Mathayo 21:41

Ne gidwoke ni, “Enoneg jomarichogo gi nek marach, mi okaw puotheno omi jopur moko nono manyalo miye olemo monego oyudi e kinde ka kinde ma olemo ochiekie.”

Mathayo 22:3

Ne ooro jotichne mondo odhi onyis joma oluongi mondo obi, to joma oluonggo nodagi.

Mariko 12:1

Bang’e Yesu nochako wuoyo kodgi gi ngeche, kowacho niya, “Ng’at moro noloso puoth mzabibu. Nochielo puodhono, mokunyo bur mibiyoe mzabibu, kendo ogerone kar rito. Eka ne oweye e lwet jopur, mi owuok odhi e piny moro mabor.

Mariko 12:7

To kane jopurgo oneno wuodeno, ne giwacho e kindgi giwegi niya, ‘Jali ema biro bedo wuon lowo, omiyo biuru wanege, mondo puodho odong’nwa.’

Mariko 12:9

Eka Yesu nopenjogi ni, “Koro uparo ni wuon puodho biro timo ang’o? Donge obiro biro, mi oneg jogo, kendo okaw puodho omi jopur moko nono?

Luka 20:9

Bang’e Yesu nogoyo ni ji ngero niya, “Ng’at moro noloso puoth mzabibu. Eka ne oweye e lwet jopur, mi owuok odhi wuoth e piny moro mabor kuom ndalo mang’eny.