Mathayo 21:12 - MUMA MALER 2015

¹² Yesu nodonjo e Hekalu, moriembo ji duto mane loko ohala kendo ng’iewo gik moko kanyo. Nokawo mesni mag jowil pesa, kod kombe mag jolok akuche, mogoyo piny.

Motingʼo Loko Manyien

¹² Yesu nodonjo ei hekalu mi noriembo oko joma ne ngʼiewo kendo uso gik moko kanyo. Noloko mesni mag jowil pesa ataro kod kombe mag joma ne uso akuche, kendo

Mathayo 21:12 Iomraidhean Croise

Wuok 30:13

Ng’ato ka ng’ato mokwan nyaka chul nus shekel mondo obed chiwo ni Ruoth Nyasaye, (shekel achiel oromo gera piero ariyo, kopim gi rapim mitiyogo e tich Nyasaye.)

Tim jo-Lawi 1:14

Ka ng’ato chiwo winyo mondo otimgo ni Ruoth Nyasaye misango miwang’o pep, to nyaka ochiw mana akuch odugla kata nyathi akuru.

Tim jo-Lawi 12:6

Ka kindene mar pwodhruok kuom nyathi ma wuowi kata manyako oserumo, to enokel nyaim mondo otimgo misango miwang’o pep, kaachiel gi nyathi akuru kata akuch odugla mondo otimgo misango mar golo richo, mi omi jadolo e dho Hemb Romo.

Tim jo-Lawi 12:8

Ka dhakono odhier ma ok nyal yudo nyaim, to nokel akuch odugla ariyo, kata nyithi akuru ariyo. Achiel kuomgi notimgo misango miwang’o pep, to machielo notimgo misango mar golo richo. Jadolo notim misengnigo, ka opwodhogo dhakono, mi dhakono nodok maler.

Tim jo-Lawi 14:22

kod akuch odugla ariyo kata nyithi akuru ariyo kaka onyalo yudo. Winyo achiel notimgo misango mar golo richo, to machielo notimgo misango miwang’o pep.

Tim jo-Lawi 14:30

Jadolono nokaw winyo achiel kuom winy mane ng’atno okelo, kata bed ni gin akuch odugla kata gin nyithi akuru,

Tim jo-Lawi 15:14

Chieng’ mar aboro nokaw akuch odugla ariyo kata nyithi akuru ariyo, mi nobigo e dho Hemb Romo e nyim Ruoth Nyasaye, kendo nomigi jadolo.

Tim jo-Lawi 15:29

To chieng’ mar aboro nyaka okaw akuch odugla ariyo kata nyithi akuru abiriyo, mi oter ni jodolo e dho Hemb Romo.

Tim jo-Lawi 5:11

Ka ng’ato ok nyal kata mana chiwo akuch odugla ariyo kata nyithi akuru ariyo kuom richone, to nyaka ochiw kilo ang’wen mag mogo mayom mondo otimgo misango mar golo richo. To kik oolie mo, kata kik oketie ubani, nikech en misango mar golo richo.

Tim jo-Lawi 5:7

Ka ng’ato odhier ma ok onyal yudo kata mana chiayo moro matin, to enokel ni Ruoth Nyasaye akuch odugla ariyo, kata nyithi akuru ariyo, kuom richo mosetimono. Akuru achiel notimgo misango mar golo richo, to machielo notimgo misango miwang’o pep.

Mariko 11:11

Kamano Yesu nodonjo Jerusalem, modhi e Hekalu, kendo orango gik moko duto. To kaka piny ne koro yuso, nowuok modhi Bethania gi jopuonjrene apar gariyo.

Luka 2:24

Bende ne gidhi mondo gitim misango mar akuch odugla ariyo kata nyithi akuru ariyo, kaka chik Ruoth dwaro.

Johana 2:13

Sap jo-Yahudi miluongo ni Pasaka nochopo machiegni, omiyo Yesu nodhi Jerusalem.