Mathayo 20:8 - MUMA MALER 2015

⁸ “Kane piny ochopo odhiambo, wuon puodho nowacho ni nyapara ni, ‘Luong jotich mondo obi ichulgi pokgi, kichako gi joma nende obiro achien, kendo itieko gi joma nende obiro mokwongo’.

Motingʼo Loko Manyien

⁸ “Kane ochopo odhiambo, wuon puoth mzabibu nowachone nyapache ni, ‘Luong jotich mondo ichulgi misachgi, kichako gi joma ne ondiki achien mogik, eka idok ir joma nondiki mokwongo.’

Mathayo 20:8 Iomraidhean Croise

Chakruok 15:2

To Abram nodwoke niya, “A Ruoth Nyasaye, en ang’o minyalo miya, kapod asiko ma onge nyathi, kendo Eliezer ja-Damaski ma misumbana ema ochung’ ka jacham mwanduna?

Chakruok 43:19

Kuom mano ne gidhi ir jaduong’ od Josef e dhoot, mi giwachone niya,

Tim jo-Lawi 19:13

Kik idhir wadu, kata kik imaye gire. Bende nyaka ichul jatich mana e odiechieng’ motiyonieno.

Mathayo 20:7

Ne gidwoke ni, ‘Wobudho ka nikech onge ng’at mosemiyowa tich’. Eka nowachonigi niya, ‘Kara, un bende dhiuru e puotha mar mzabibu’.

Mathayo 20:9

Kuom mano, joma ne ochako tich sa apar gachiel mar odhiambo nobiro, moyudo siling’ achiel achiel.

Mathayo 25:19

“Bang’ ndalo mang’eny, ruodh jotichgo nodwogo, mokueno kodgi.

Mathayo 25:31

Bang’ mano Yesu nowacho niya, “Ka Wuod Dhano obiro e duong’ne maler, kaachiel gi malaika duto, to nobedi e kom lochne man gi duong’,

Luka 10:7

Beduru mana e odno, kendo chamuru gik ma gimiyou, nikech jatich ber gi pokne; to kik uring e udi.

Luka 12:42

Eka Ruoth Yesu nowacho niya, “Ere ng’ato kuomu machalo gi jatich mogen kendo mariek, ma ruodhe biro keto mondo orit jotich wetene, kendo opognigi chiemo e kinde mowinjore?

Luka 8:3

gi Joana chi Chuza, mane jatelo e od Herode, gi Susana, kaachiel gi mon mamoko mang’eny. Mon-go ne konyo Yesu kod jopuonjrene mana gi gigi giwegi.

2 Jo-Korintho 5:10

nikech waduto nyaka wachung’ e nyim kom bura mar Kristo, mondo ng’ato ka ng’ato oyud pok moromo gi gik mabeyo kata maricho mane otimo kapod en e ringruok.

Rapar mar Chik 24:15

Nyaka imiye pokne pilepile kapok chieng’ opodho, nimar en jachan kendo pokneno ema konye. Ka ok itimo kamano, to onyalo ywakni kuom Ruoth Nyasaye, mi dibed jaketho.

Tito 1:7

Jatend kanyakla mar jo-Kristo en jarit tich Nyasaye, omiyo nyaka obed ng’at maonge ketho. Kik obed ng’ama jasunga, kata ma jamrima, kata ma jamer, kata ma ohero goruok, kata ng’ama ohero pesa.

Jo-Hibrania 9:28

Mano e kaka Kristo bende ne ochiw ka misango dichiel kende, mondo oting’ richo mag ji mang’eny, to obiro fwenyore kendo mar ariyo, to ok ni mondo ogol richo, to mana ni mondo okel warruok ni jogo morite.

1 Petro 4:10

Nyasaye osemiyou mich mopogore opogore, omiyo ng’ato ka ng’ato kuomu nyaka rit michgo maber, mi otigo kokonyogo jomoko.

Ruth 2:6

Jatichneno nodwoke niya, “En nyar Moab, ma nobiro gi Naomi, koa e piny Moab cha.