Mathayo 20:2 - MUMA MALER 2015

² Ne owinjore gi jotich moko ni obiro chulogi siling’ achiel achiel, odieching’ kodiechieng’, mi noorogi e puodho.

Motingʼo Loko Manyien

² Nowinjore kodgi ni nobiro chulogi dinari achiel ngʼato ka ngʼato kuom odiechiengʼno, eka noorogi e puothe mar mzabibu.

Mathayo 20:2 Iomraidhean Croise

1 Ruodhi 18:12

To kwasewere kodi, to Roho mar Ruoth Nyasaye biro teri kuma ok ang’eyo. Omiyo, ka adhi, ma anyiso Ahab ni in ka, mi obiro to ok onwang’i, enonega. To jaduong’, aseluoro Ruoth Nyasaye, chakre tinna.

2 Weche mag Ndalo 34:3

E higa mar aboro mar lochne, kane pod en rawera, nochako luwo Nyasach Daudi kwar mare. To e higa mar apar gariyo nochako pwodho Juda gi Jerusalem, koketho hembko mane ni kuonde moting’ore, gi sirni milamo, kod kido mopa gi mothedhi.

Eklesiastes 12:1

Paruru jachuechu kapod utindo, kendo ka pok ndalo mag chandruok obiro, ma koro uwachoe niya, “Onge gima tinde bernwa e piny.”

Mathayo 18:28

“To ng’atno nowuok, moromo gi jatich wadgi mane nigi gope moromo siling moko manok kende. Ne omako ng’atno gi ng’ute, modeyo, kowachone ni, ‘Chula gopa ma in-go.’

Mathayo 20:1

Eka Yesu nomedo wacho niya, “Loch Polo chalo gi wuon puoth mzabibu mane owuok gokinyi mang’ich kadhi dwaro jotich mondo otine e puothe.

Mathayo 20:13

To ng’atno nodwoko achiel kuomgi niya, ‘Omera, onge gima rach ma asetimoni. Donge nende wawinjore kodi ni abiro chuli siling’ achiel?

Mathayo 20:3

Ne ochako owuok kar sa adek, mi odhi oyudo jomoko kochung’ achung’a e chiro, ka onge gima gitim.

Mathayo 20:9

Kuom mano, joma ne ochako tich sa apar gachiel mar odhiambo nobiro, moyudo siling’ achiel achiel.

Mathayo 22:19

Nyisauru ane pesa migologo osuru.” Kuom mano ne gikelo ne siling’,

Mathayo 9:37

Omiyo nowacho ni jopuonjrene niya, “Cham ochiek mathoth, to jokeyo ema nok.

Mariko 12:15

To Yesu noneno kaka gichikone obadho, omiyo nodwokogi niya, “Ang’o momiyo utema? Kelnauru siling’ mondo ane ane.”

Luka 1:15

nimar enobed ng’at maduong’ e nyim Ruoth Nyasaye. Ok nomadh kong’o kata gimoro amora ma mero ji, kendo chakre nywolne enobed kopong’ gi Roho Maler.

Luka 10:35

Kinyne nogolo pesa moko, mi omiyo wuon odno, kowacho ni, ‘Rit jali maber, to pesa duto ma imedo ritego, an awuon abiro chuli ka aduogo.’ ”

Luka 20:24

“Nyisauru ane siling’ mondo ane.” Kane gisekelone siling’, nopenjogi niya, “Kidoni gi nying’ man kuom siling’ni gin mag ng’a?” Ne gidwoke ni, “Gin mag Kaisar.”

2 Timotheo 3:15

Bende ng’e ni nyaka ia e nyathi isebedo king’eyo weche manie Muma ma nyalo miyi rieko makeloni warruok, ka iyie kuom Kristo Yesu.

Fweny 6:6

Eka ne awinjo gimoro machalo gi dwol kawuok e dier gik mangima ang’wen-go kawacho niya, “Ogudu mar bel koro nengone romo pok jatich kuom odiechieng’ achiel, kendo ogute adek mag oduma bende nengone mana kamano! To nengo mor zeituni gi divai to kik imedi.”

1 Samuel 2:18

Samuel ne tiyo e nyim Ruoth Nyasaye ka pod en nyathi, korwakore gi nanga mar katana.

1 Samuel 2:26

To nyathi ma Samuel nodongo, kendo Ruoth Nyasaye gi ji nomedo bedo mamor kode.

1 Samuel 3:1

Nyathi ma Samuel ne tiyo ni Ruoth Nyasaye e nyim Eli. To weche mane wuok kuom Ruoth Nyasaye ne nok ndalogo, kendo ne ok fwenyre pile.

1 Samuel 3:21

Ruoth Nyasaye nomedo fwenyore Shilo, nikech kanyo ema nosefwenyoree ni Samuel. Kamano wach Samuel nobedo gi teko e piny Israel duto.