Mathayo 20:12 - MUMA MALER 2015

¹² ‘Ji manende obiro achien-gi osetiyo mana kuom sa achiel kende, to ere gima omiyo isemiyogi pok mana marom kodwa? Wan donge ema wasechandore gi tich matek odiechieng’ ngima, to chieng’ makech chamowa?’

Motingʼo Loko Manyien

¹² kagiwacho ni, ‘Joma ne ondiki achien mogikgi osetiyo kuom sa achiel kende, to isemiyo gidoko marom kodwa, wan mwasetingʼo pek tich ka watiyo odiechiengʼ duto gi chiengʼ makech.’

Mathayo 20:12 Iomraidhean Croise

Jona 4:8

Kane chieng’ owuok, Nyasaye nokelo yamb ugue maliet, mi chieng’ ochamo wi Jona, kendo nong’no otere. Kuom mano, nogombo mondo otho, kowacho niya, “Da ber katho, moloyo bet mangima.”

Malaki 1:13

Uwacho niya, ‘Mano kaka waol gi gik makamagi!’ Kendo utwenyona umu. To bende uchiwona jamni mokwal kata mong’ol kata matuo mondo otimnago misango. Uparo ni anyalo yie gi chiwo ma kamago?

Malaki 3:14

Bende usewacho ni, ‘Tiyo ni Nyasaye onge gi tiende. Ere tiend timo gima Ruoth Nyasaye Manyalo Gik Moko Duto owacho, kata ywagruok e nyime, kwanyise ni wayie kethowa?

Mathayo 20:11

To kane gikawo pok gi ne ging’ur ni wuon puodho ka giwacho niya,

Luka 12:55

To bende ka uneno yamb oro ka kudho, to uwacho ni, ‘Oro biro wuok,’ kendo adier, oro wuok.

Jo-Rumi 3:27

Koro ere gima odong’ ma ng’ato nyalo sungorego? Onge gimoro, nikech sunga osegol oko chuth. To ere gima omiyo ogole? Ogole nikech warito Chik koso? Ooyo, ogole mana nikech wayie.

Jo-Rumi 3:30

Nikech Nyasaye en achiel. Obiro miyo jo-Yahudi bet e winjruok kode mana nikech yiegi. Kamano bende e kaka nomi joma ok jo-Yahudi bedi e winjruok kode mana nikech yiegi.

1 Jo-Korintho 4:11

Nyaka chop koroni kech kayowa, kendo riyo oloyowa. Wan duge, bende igoyowa, kendo waonge kar dak.

Jo-Efeso 3:6

To wach mopondono en ni, kaluwore gi Wach Maber, to joma ok jo-Yahudi, chamo gikeni kodwa wan jo-Yahudi, kendo gin ringruok achiel kodwa, bende giriwore kodwa e singruok mane Nyasaye ochopo kuom Kristo Yesu.

Jakobo 1:11

Ka chieng’ owuok makech to wang’o maua kendo thiepene lwar piny, bang’e kite maber lal nono. Kamano e kaka jamoko bende biro lal nono mana ka tiyo tichne.