Mathayo 2:2 - MUMA MALER 2015

² mopenjo niya, “Ere jalo monywol mondo obed ruodh jo-Yahudi? Ne waneno suluene kowuok yo wuokchieng’, omiyo wabiro mondo wamiye duong’.”

Motingʼo Loko Manyien

² mi openjo niya, “Ere jal mosenywol mondo obed ruodh jo-Yahudi? Ne waneno sulwene yo wuok chiengʼ kendo wasebiro mondo walame.”

Mathayo 2:2 Iomraidhean Croise

Zaburi 2:6

Owacho niya, “Ruoth ma ayiero aseketo ewi Sayun, goda maler.”

Zaburi 45:11

Chia mari biro miyo ruoth heri. En ruodhi, omiyo nyaka iluore.

Isaya 60:3

Ogendini gi ruodhigi nobi e lerni mathinyore.

Jeremia 23:5

“Ndalo biro ma nayierie nyakwar Daudi hie mondo obed ruoth. Enorit piny gi rieko, kotimo gik ma owinjore kendo makare e piny.

Jeremia 30:9

To ginitina, an Ruoth Nyasaye ma Nyasachgi, kendo giniti ni Daudi ma abiro keto mondo obed ruodhgi.

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Kwan 24:17

Anene, to ok sani, kendo ang’iye, to ok machiegni. Sulue nobi koa kuom joka Jakobo, kendo ludh duong’ nowuog kuom jo-Israel. Obiro goyo oganda lweny mag jo-Moab, kendo nolo joma sungore.

Mathayo 2:3

To kane ruoth Herode owinjo wachno, kibaji nogoye ahinya, kaachiel gi jo-Jerusalem duto.

Mathayo 21:5

‘Nyisuru jo-Sayun ni, Neuru! Ruoth biro iru, kamuol, kendo koidho kanyna. Chutho oidho kanyna matin. Adier, en mana nyathi kanyna.’

Mathayo 27:11

Yesu koro noter e nyim ruoth Pilato, mi ruoth nopenje niya, “In e ruodh jo-Yahudi koso?” Yesu to nodwoke ni, “In ema isewacho kamano.”

Luka 19:38

Ne giwacho niya, “Oguedh Ruoth mabiro e nying Ruoth Nyasaye! Kue obedi e polo, kendo duong’ obedi e polo malo.”

Luka 2:11

Kawuono osenywolnu Jawar e dala Daudi. En Mesia ma Ruoth.

Luka 23:3

Eka Pilato nopenjo Yesu ni, “In e ruodh jo-Yahudi koso?” To en nodwoko ni, “In ema isewacho kamano.”

Luka 23:38

Bende ewi msalaba malo nondiki ni, “JALI E RUODH JO-YAHUDI.”

Johana 1:49

Nathaniel nodwoke ni, “Japuonj, in e Wuod Nyasaye! In e Ruodh Israel!”

Johana 12:13

Ne gijako bede othidhe, mi gidhi romone, ka gikok niya, “Opak Nyasaye! Oguedh ng’ama biro e nying Ruoth! Adier Nyasaye mondo ogwedh Ruodh Israel!”

Johana 18:37

Eka Pilato nowachone ni, “Kara in ruoth.” To Yesu nodwoke ni, “In ema iwacho ni an ruoth. An to ne onywola, mi abiro e piny mana ni mondo awuo gi ji kuom adiera. Ng’ato ka ng’ato man gi adiera kuome to winjo dwonda.”

Johana 19:19

Pilato nondiko wach modonjnego, moguro ewi msalaba. Nondiko niya, “YESU JA-NAZARETH, RUODH JO-YAHUDI.”

Johana 20:28

To Thoma nodwoke ni, “Ruodha, kendo Nyasacha!”

Johana 5:23

mondo ji duto omi Wuowi duong’ mana kaka gimiyo Wuoro. Ng’at ma ok mi Wuowi duong’, to ok mi Wuoro mane ooro Wuowi duong’.

Johana 9:38

Eka ng’atno nogoyo chonge piny e nyim Yesu, kowachone ni, “Jaduong’, ayie!”

Jo-Hibrania 1:6

To bende kane Nyasaye chiegni kelo Wuode makayo e piny, to ne owacho niya, “Malaika duto mag Nyasaye mondo olame.”

Fweny 22:16

“An Yesu aseoro malaikana mondo ohulnu wechegi ukonygo kanyakla mag jo-Kristo. An Nyakwar Daudi, kendo an sulue mar okinyi.”