Mathayo 19:6 - MUMA MALER 2015

⁶ Kamano koro ok gin ji ariyo, to gin mana ringruok achiel. Kuom mano, gima Nyasaye oseriwo, kik dhano pogi.”

Motingʼo Loko Manyien

⁶ Omiyo koro ok gin ji ariyo, to gin ringruok achiel. Kuom mano, gima Nyasaye oseriwo kaachiel kik dhano moro amora pogi.”

Mathayo 19:6 Iomraidhean Croise

Ngeche 2:17

En dhako ma ok oluoro chwore, kendo ma ok dew kuong’ruok mane okuong’orego e nyim Nyasaye.

Malaki 2:14

To eka pod ng’ato ka ng’ato kuomu penjo gimomiyo otimo kamano. Ruoth Nyasaye dwoko ni mano timore nikech uketho singruok mane utimo gi mon mane ukendo ka pod un yawuowi. Ne gin mondeu, to useketho singruok mane utimonigi, kata obedo ni ne usingoru e nyim Nyasaye ni ok unuwegi.

Malaki 2:16

Ruoth Nyasaye Manyaalo Gik Moko Duto ma Nyasach Israel owacho niya, “Amon gi weruok manie kind dhako gi chwore. Ok berna ka ng’ato timo gima rach kamano ni chiege. Emomiyo ritreuru mondo ng’ato ka ng’ato kuomu kik tim gima rach kamano ni chiege.”

Mathayo 19:5

Jachuech nochueyo dichwo gi dhako?’ kendo ni, ‘Mano emomiyo ng’ato weyo wuon gi min, to padore kuom chiege, kendo ji ariyogo doko ringruok achiel’?

Mathayo 19:7

To jo-Farisaigo nomedo penje niya, “Ka kamano, to marang’o Musa noketo chik ni ng’ato nyalo riembo chiege, kosemiye barup weruok?”

Mariko 10:9

Kuom mano, gima Nyasaye oseriwo, kik dhano pogi.”

Jo-Rumi 7:2

Wakawuru dhako man gi chwore kaka ranyisi: Chik kend otueye kuom chwore ka pod chwore ngima. To ka chwore otho, to ogonye kuom chik mane otueye kuom chwore.

Jo-Efeso 5:28

Chwo onego oher mondgi mana kaka gihero ringregi giwegi. Ng’at mohero chiege oherore owuon.

Jo-Hibrania 13:4

Ji duto mondo okwan kend ka gima duong’, kendo singruok ma joma okendore osingorego nyaka rit matek, nikech Nyasaye nokum joma terore, bed ni gin yawuowi gi nyiri, kata chwo gi mon.