Mathayo 19:5 - MUMA MALER 2015

⁵ Jachuech nochueyo dichwo gi dhako?’ kendo ni, ‘Mano emomiyo ng’ato weyo wuon gi min, to padore kuom chiege, kendo ji ariyogo doko ringruok achiel’?

Motingʼo Loko Manyien

⁵ nomedo wacho ni, ‘Kuom mano, dichwo nowe wuon kod min kendo nopadre gi chiege, mi ji ariyogo nodok ringruok achiel?’

Mathayo 19:5 Iomraidhean Croise

Chakruok 34:3

To nohero Dina ahinya, omiyo notemo hoyo chunye,

2 Samuel 1:26

Ne ageni ahinya, kendo gen ma nigenago ne lich miwuoro. Ne okadho hera ma mon herogo chwogi.

1 Ruodhi 11:2

To Ruoth Nyasaye nosewuoyo ni jo-Israel kuom ogendnigo niya, “Kik ukend nyigi, to gin bende kik uyienigi mondo gikend nyiu, nikech adier ginilok chunyu mondo ulam nyisechegi.” To kata kamano Solomon nohero mon-go ahinya.

Zaburi 45:10

Chik iti nyara, mondo iwinj weche ma awacho, kendo ipargi. Wiyi mondo owil gi jou kaachiel gi wedeni.

Zaburi 63:8

Apadora kuomi, kendo lweti rita maber.

Malaki 2:15

Donge Nyasaye notimou ringruok achiel kendo chuny achiel kodgi? Donge otimo kamano mana ni mondo wabed gi nyithindo maluwo Nyasaye adier? Kuom mano, nyaka uritru mondo kik ng’ato kuomu keth singruok mane otimo ni dhako mane okendo ka en wuowi.

Mathayo 19:6

Kamano koro ok gin ji ariyo, to gin mana ringruok achiel. Kuom mano, gima Nyasaye oseriwo, kik dhano pogi.”

Jo-Rumi 12:9

Herau mondo obed maonge miganga. Beduru mosin gi gik maricho, to sikuru kuom gik mabeyo.

1 Jo-Korintho 6:16

Koso ok ung’eyo ni ng’ama oriwore gi dhako ma jachode doko ringruok achiel kode? Muma wacho niya, “Ji ariyogo doko ringruok achiel.”

1 Jo-Korintho 7:2

To adwokou kama: Kaka tem mar terruok ng’eny ahinya, ber mondo ng’ato obed gi chiege owuon, kendo dhako bende obed gi chwore owuon.

1 Jo-Korintho 7:4

Dhako ok oloyo ringre owuon, to mak mana chwore ema oloyo. Kamano, dichwo bende ok oloyo ringre owuon, to mak mana chiege ema oloyo.

Jo-Efeso 5:31

En mana kaka Muma wacho niya, “Emomiyo, ng’ato wewo wuon gi min, to padore kuom chiege, kendo ji ariyogo doko ringruok achiel.”

Rapar mar Chik 10:20

Nyaka uluor Ruoth Nyasaye ma Nyasachu, kendo ulame gi chunyu duto, bende kukuong’oru mana gi nyinge.

Rapar mar Chik 11:22

“Ka urito chike ma amiyougi adimba, mi uhero Ruoth Nyasaye ma Nyasachu, kendo uwuotho e yorene duto, kuketo chunyu kuome,

Rapar mar Chik 4:4

To un mane upadoru kuom Ruoth Nyasaye ma Nyasachu, pod ungima uduto nyaka chil kawuono.

1 Samuel 18:1

Kane Saulo otieko wuoyo gi Daudi,

1 Samuel 25:43

To Daudi nokendo bende Ahinoam nyar Jazreel, mi mon ariyogo nobedo monde.