Mathayo 18:3 - MUMA MALER 2015

³ Eka nowachonigi ni, “Adier, akonu ni, ka ok ulokoru, mi udoko machal gi nyithindo matindo, to ok udonj e Piny Ruodh Polo ngang’.

Motingʼo Loko Manyien

³ Eka nowacho niya, “Awachonu adier ni ka ok ulokoru ma uchalo gi nyithindo matindo, to ok ubi donjo e pinyruodh polo ngangʼ.

Mathayo 18:3 Iomraidhean Croise

Zaburi 131:2

To abolora, kendo chunya nigi kue. Kaka nyathi ling’ mos e bad min mare e kaka chunya bende ling’ mos e iya.

Isaya 6:10

To in Isaya, nyaka imi, chuny jogi dok mapek, mondo kik wach donjnigi, kendo imi itgi dinre mondo kik giwinj wach, bende imi wengegi imre mondo kik ginen, eka dipo ka gilokore, mi ochanggi.”

Mathayo 13:15

nimar chuny ogandani osedoko mapek, kendo gisedino itgi, bende giseumo wang’gi. To ka da ni ok kamano, to dikoro gineno, kendo dikoro itgi winjo wach, bende dikoro wach donjonigi, mi gilokre, giduog ira, kendo achanggi.’

Mathayo 18:2

Yesu noluongo nyathi matin, mi ochungo e diergi.

Mathayo 18:4

Ng’at modoko mamuol ka nyathi matinni, ema duong’ie moloyo e Loch Polo.

Mathayo 19:14

Yesu to nowachonigi ni, “Weuru nyithindo obi ira! Kik utamgi, nikech joma kamagi ema yudo gweth mar Loch Polo.”

Mathayo 19:23

Bang’ mano, Yesu nowacho ni jopuonjrene niya, “Adier awachonu ni, donjo e Piny Ruodh Polo nobed matek ni jamoko!

Mathayo 5:18

Adier awachonu ni, kapok polo gi piny orumo, to kata mana nukta achiel mar Chik kata dire achiel matin, ok nolal, nyaka chop gik moko duto timre.

Mathayo 5:20

Awachonu ni, ka ok timbeu beyo moloyo timbe jo-Farisai gi timbe jopuonj Chik, to ok unyal donjo e Piny Ruodh Polo kata matin!

Mathayo 6:16

“Ka utueyo chiemo, to kik ujuond wang’u kaka joma wuondore ni ohero Nyasaye timo, nikech gin gijuondo wang’gi mondo ji one maonge kiawa ni gitueyo chiemo. Adier awachonu ni gin giseyudo pokgi.

Mathayo 6:2

Omiyo kuchiwo gimoro, to kik ihul gima itimo, nikech mano e gima joma wuondore ni ohero Nyasaye timo e ut lemo, kendo oko e lela, ni mondo ji opakgi. Adier awachonu niya, gin giseyudo pokgi.

Mathayo 6:5

“Ka ulemo, to kik ubed ka joma wuondore ni ohero Nyasaye, nikech gin gihero lemo ka gichung’ e ut lemo, kendo e akek yore, mondo ji onegi. Adier awachonu ni giseyudo pokgi.

Mariko 4:12

‘Kata da ging’ichi manadi, to ok ginyal ng’eyo, kendo kata da giwinji manadi, to wach ok nyal donjonigi, nimar dipo ka giloko chunygi, mi owenigi richogi’.”

Luka 13:24

“Temuru matek mondo udonj gie dhoot madiny, nikech awachonu ni, ji mang’eny nodwar donjo, to ok gininyal.

Luka 22:32

To in aselemoni mondo yieni kik lal, kendo ka iselokori, miduogo ira, to nyaka ijiw oweteni.”

Johana 1:51

Eka nowachone kendo ni, “Awachonu adier ni unune polo koyawore, kendo ka malaika mag Nyasaye idho malo kendo lor piny kuom Wuod Dhano ka raidhi.”

Johana 3:3

To Yesu nodwoke niya, “Adier, adier, awachoni ni ka ok onywol ng’ato nywol manyien, to ok onyal neno Loch Nyasaye.”

Johana 3:5

To Yesu nodwoke niya, “Adier, adier awachoni ni, ka ng’ato ok onywol gi pi kendo gi Roho, to ok onyal donjo e Piny Ruoth Nyasaye.

Tich Joote 14:22

Ne gitego chuny jopuonjre ka gijiwogi mondo gisik gibed gi yie motegno, ka giwachonigi niya, “Nyaka wane masiche mang’eny, eka wadonj e Piny Ruodh Nyasaye.”

Tich Joote 28:27

nimar chuny ogandani osedoko mapek, kendo gisedino itgi, bende giseumo wng’gi. To ka da ni ok kamano, to dikoro gineno, kendo dikoro itgi winjo wach, bende dikoro wach donjonigi, mi gilokore giduog ira, kendo achanggi.” ’ ”

Tich Joote 3:19

Mano omiyo, lokreuru uduog ir Nyasaye mondo richou oruchi,

1 Jo-Korintho 14:20

Owetena, kik ubed gi paro machalo paro nyithindo. Beduru ka nyithindo e weche mag richo, to nyaka ubed joma dongo gi parou.

1 Petro 2:2

Kaka nyithindo mayom gombo cha minegi, e kaka un bende onego ugomb chak maliw mar chuny, mamiyo udongo nyaka chop e warruok,

2 Petro 1:11

Kamano nomiu thuolo maduong’ mar donjo e piny mochwere mar Ruodhwa kendo Jawarwa Yesu Kristo.