Mathayo 17:4 - MUMA MALER 2015

⁴ Eka Petro nowacho niya, “Ruoth, bedowa kaeri en gima ber. Ka ihero, to abiro gero kiche adek ka, ma achiel mari, to machielo mar Musa, kendo moro mar Elija.”

Motingʼo Loko Manyien

⁴ Petro nowachone Yesu niya, “Ruoth, bedowa kae en gima ber. Ka iyiena to abiro gero kiru adek kae; achiel mari, achiel mar Musa to machielo mar Elija.”

Mathayo 17:4 Iomraidhean Croise

Zaburi 16:11

Inyisa yo matera e ngima. Kama intie ema ilo maduong’ yudoree, kendo e lweti ma korachwich ema gik mamiyo chuny mor nitie mosiko.

Zaburi 4:6

Ji mang’eny wacho niya, “Mano kaka wagombo yudo gueth! A Nyasaye, ting’ wang’i mondo irangwa gi ng’wononi!”

Isaya 33:17

Enone Ruoth gi duong’ne duto, kendo norang piny moyarore malach.

Zekaria 9:17

Mano kaka gin gi mwandu mogundho kod mor maduong’! Cham gi divai biro miyo yawuotgi gi nyigi bed gi del mabeyo.

Mathayo 17:3

Bang’ mano ne gipo ka gineno Musa kod Elija ka jowuoyo gi Yesu.

Luka 9:33

To kane jogo dhi weyo Yesu, Petro nowachone niya, “Japuonj, bedowa kaeri en gima ber! Omiyo we wager kiche adek, ma achiel mari, to machielo mar Musa, kendo moro mar Elija.” (To chutho ne ok ong’eyo gima owacho.)

Johana 17:24

“Wuora, adwaro mondo joma isemiyagi obed koda kama intie, mondo gine duong’ ma isemiya, nikech nihera kapok ochwe piny.

Johana 7:2

Sap jo-Yahudi miluongo ni Sap Kiche ne chiegni,

Jo-Filipi 1:23

nikech gik moko ariyogo beyona duto. To agombo ahinya ni aa, mondo adhi abed gi Kristo, nikech mano ema dibedna maber moloyo.

1 Johana 3:2

Osiepna, kata mana sani wan nyithind Nyasaye, to kaka wabiro bet pok ofwenyore, to wang’eyo ni ka Kristo ofwenyore, to wanabed machal kode, nikech wananene kaka ochal.

Fweny 21:23

Dalano ok dwar chieng’ kata due marieny kuome, nikech duong’ maler mar Nyasaye ema miye ler, kendo Nyarombo e tache.