Mathayo 16:6 - MUMA MALER 2015

⁶ Yesu nowachonigi niya, “Yawuru wang’u mondo ubed motang’ ni thop jo-Farisai gi thop jo-Sadukai.”

Motingʼo Loko Manyien

⁶ Yesu nowachonegi niya, “Beduru motangʼ kendo ritreuru ne thowi mar jo-Farisai gi jo-Sadukai.”

Mathayo 16:6 Iomraidhean Croise

Tim jo-Lawi 2:11

Misengni duto mag cham muchiwo ni Ruoth Nyasaye nyaka bed ma ok oketie thowi. Bende kutimo ni Ruoth Nyasaye misango miwang’o, to kik thowi kata mor kich bedie.

Mathayo 16:1

Jo-Farisai gi Jo-Sadukai nobiro ir Yesu mondo oteme. Omiyo ne giwachone mondo otimnigi hono moro moa e polo manyiso ni Nyasaye ni kode.

Mathayo 16:11

Koro ere gima omiyo ok unyal winjo ni nende ok awuo kodu kuom wach makati?” Eka ne ochako owachonigi ni, “Beduru motang’ ni thop jo-Farisai kod thop jo-Sadukai.”

Mathayo 16:12

Bang’ mano, ne gifwenyo ni ok owachnigi ni mondo giritre kuom thowi, to mana ni mondo giritre kuom puonj mar jo-Farisai kod mar jo-Sadukai.

Mathayo 16:5

Kane jopuonjrene ong’ado nam, modok loka machielo, ne oyudo ni wigi owil gi makati.

Mathayo 16:7

To ne gichako wacho e kindgi giwegi ni, “Owacho kamano nikech ne ok wabiro gi makati.”

Mathayo 3:7

To kane Johana oneno jo-Farisai gi jo-Sadukai mathoth kabiro ire, nowachonigi niya, “Un nyithind thuonde! En ng’a mane onyisou ni mondo uring utony e kum mabiro?

Mariko 8:15

Yesu nowachonigi niya, “Yawuru wang’u mondo ubed motang’ ni thop jo-Farisai ko thop Herode.”

Luka 12:1

E kindeno, kane ji osechokore gana gi gana ma koro ginyonore anyona, Yesu nokwongo owuoyo gi jopuonjrene, kowachonigi niya, “Beduru motang’ ni thop jo-Farisai, ma en mana wuondruok.

Luka 12:15

Eka nomedo wacho ni ji duto niya, “Beduru motang’, mondo uritru kuom gombo duto nikech mwandu ok nyal miyo ng’ato bed mangima, kata dabed ni omew machal nadi.”

Johana 4:33

Omiyo jopuonjre nochako penjore kendgi ni, “Ng’ato osekelone chiemo koso?”

Jo-Galatia 5:9

Paruru ngero mawacho ni, thowi matin kuodo mogo duto modwal.