Mathayo 16:23 - MUMA MALER 2015

²³ To Yesu nolokore, mowacho ni Petro niya, “Aye nyima Satandni! Idwaro geng’a, nikech paro mari ok mar Nyasaye, to mana mar dhano.”

Motingʼo Loko Manyien

²³ Yesu nolokore mowachone Petro niya, “Wuog oko e nyima, Satan! In kidi mar chwanyruok ne an; nikech iketo pachi kuom dwaro dhano to ok kuom dwach Nyasaye.”

Mathayo 16:23 Iomraidhean Croise

Chakruok 3:17

Eka Nyasaye nowacho ni Adam niya, “Okuong’ lowo nikech in, nimar niwinjo gima chiegi nowachoni, michamo olemo mane akweri ni kik icham. Koro inibed kitiyo matek, kuom ngimani duto, mondo lowo onyagni chiemo.

2 Samuel 19:22

To Daudi nodwoke niya, “Ang’o machandou koda, un yawuot Zeruya, momiyo udoko wasika tinendeni? Uparo ni bende dineg ng’ato e Israel kawuono adier? To kawuono eka ang’eyo ni kare an ruodh Israel!”

1 Weche mag Ndalo 21:1

Koro Satan ne dwaro hinyo jo-Israel, mi nosundo Daudi mondo okwan gi.

Isaya 8:14

En e Kar Ler, kendo e kidi ma chwanyo ji. Adier, en e lwanda mamiyo pinje jo-Israel ariyo duto podho. Chutho en e obadho mamako jo-Jerusalem.

Mathayo 16:22

To Petro nogole tenge, mokwere niya, “Ooyo Ruoth! Gima kamano ok nyal timoreni ngang’!”

Mathayo 18:7

Gik mamiyo ji donjo e richo nomi ji modak e piny ne malit. Gik ma kamago ok nyal bare mak obetie, to mano kaka nobed malit ni ng’at makelogi!

Mathayo 4:10

To Yesu nodwoke ni, “Dhi kucha, Satan! Muma wacho ni, ‘Ng’ato nyaka lam mana Nyasache, kendo en kende ema nyaka otine.’ ”

Mariko 8:33

To Yesu nolokore, morango, jopuonjrene, mi okwero Petro niya, “Aye nyima Satandni, nikech paro mari ok paro mar Nyasaye, to mana mar dhano.”

Luka 4:8

To Yesu nodwoke ni, “Muma wacho ni, ‘Ng’ato nyaka lam mana Ruoth Nyasache kendo en kende ema nyaka otine.’ ”

Johana 6:70

To Yesu nodwokogi niya, “Un ji apar gariyo, donge ne ayierou uduto? To kata kamano ng’at achiel kuomu en jachien.”

Jo-Rumi 14:13

Kuom mano mondo waweuru ng’ado ni jowadwa bura. To keturu chunyu mondo une ni ok utimo gimoro manyalo miyo owadu podhi, kata ma dimi otim richo.

Jo-Rumi 14:21

Ber mondo iwe chamo ring’o kata madho kong’o kata timo gimoro amora manyalo miyo owadu podhi.

Jo-Filipi 3:19

To notiekgi e giko, nimar igi e nyisechegi, kendo gisungore mana ni gik makelonigi wichkuot, bende giparo mana weche mag pinyni.

Jo-Kolosai 3:2

Chomuru parou kuom gik man malo, to ok kuom gik mag piny,