Mathayo 15:18 - MUMA MALER 2015

¹⁸ To gik mawuok e dho dhano a mana e chunye, kendo mago ema miyo odoko jaketho,

Motingʼo Loko Manyien

¹⁸ To gik mawuok e dhok aa e chuny, kendo gin ema gimiyo ngʼato doko ‘mogak.’

Mathayo 15:18 Iomraidhean Croise

Zaburi 36:3

Wechene richo kendo oting’o miriambo lilo. Rieko oselalne, omiyo ok onyal timo gimoro maber.

Ngeche 10:32

Ng’at makare ong’eyo gima onego owachi e sa mowinjore. Joricho to pile wacho gik machwanyo ji.

Ngeche 15:2

Ka ng’at mariek wuoyo to wachne lombo ji. Ng’at mofuwo to rodho weche maonge tich.

Ngeche 15:28

Joma beyo paro matut kapok odwoko wach. Joma timbegi richo to dwoko wach piyopiyo, kendo wechegigo kelo chandruok.

Ngeche 4:23

Chunyi e kama ngimani ochakoree, emomiyo rite ka mwanduni migenoe moloyo.

Ngeche 6:12

Ji manono ma joricho wuotho awuotha kawacho miriambo.

Mathayo 12:34

Un nyithi thuondegi! Ere kaka weche muwacho dibed mabeyo, to un uwegi un joricho? Chutho gik mopong’o chuny dhano ema wuok e dhoge.

Mathayo 15:11

Gik ma donjo e dho dhano ok ema mi dhano dok jaketho, to mana gik mawuok e dhoge ema miyo odoko jaketho”

Mathayo 15:17

Donge uneno ka gik moko duto madonjo e dho dhano kadho e iye, kendo wuok oko?

Mariko 7:20

Eka nomedo wacho niya, “Gima wuok kuom dhano ema miyo odoko jaketho,

Luka 19:22

To ruodhe nowachone niya, ‘In jatich marach! Abiro ng’adoni bura gi weche ma isewacho gi dhogi iwuon. Kara, in ne ing’eyo ni an ng’at makoch, kendo ni akawo gima ne ok akano, bende ni akayo gima ne ok achwoyo!

1 Samuel 24:13

Kaka ngech joma chon wacho ni, ‘Richo wuok e chuny joma richo.’ To an ok natimni marach.