Mathayo 15:13 - MUMA MALER 2015

¹³ Yesu nodwokogi ni, “Gimoro amora mane Wuora mae polo ok opidho, ibiro pudho.

Motingʼo Loko Manyien

¹³ Nodwoko niya, “Yien moro amora ma Wuonwa manie polo ok opidho ibiro pudh oko gi tiendene.

Mathayo 15:13 Iomraidhean Croise

Zaburi 92:13

Gichalo gi yien mopidhi e od Ruoth Nyasaye, ma dongo maber e Hekalu mar Nyasachwa.

Isaya 60:21

Jogi duto nobed joma kare, kendo piny nobed margi nyaka chieng’. Ginichal gi bad yath ma an ema apidho gi lweta awuon, mondo okelna duong’.

Isaya 61:3

Abiro hoyo chuny ji duto man gi lit, kendo gik ma abiro miyogi e magi: Maua mabeyo, kar buru ma gibukorego; kendo mor, kar lit ma gin go, kod pak, kar bedo gi chuny mool. Enoluonggi ni, yien mag tim makare, ma Ruoth Nyasaye opidho mondo oyudgo duong’.

Mathayo 15:12

Eka jopuonjrene nobiro ire, mopenje niya, “Bende ing’eyo ni jo-Farisai nende osin kodi, kane giwinjo gima iwacho?”

Johana 15:1

“An e mzabibu maradier, kendo Wuora e japur mzabibuno.

Johana 15:2

Bedena duto ma ok nyag olemo, ong’ado oko, to bede duto ma nyago olemo olwero maler mondo omed nyak.

Johana 15:6

Ka ng’ato ok obet kuoma to iwite oko, mana kaka iwito bad yath, mi two. Bede ma kamago ichoko, kendo iwito e mach, mi wang’.

1 Jo-Korintho 3:9

Waduto wan jotich Nyasaye; un to un puoth Nyasaye, kendo un ot ma Nyasaye gero.

Juda 1:12

Jogi gin mbelni e sewni mutimo mag hera, ka gichiemo kodu maonge wichkuot. Gin jokwath maparo mana gin giwegi kende! Gichalo rumbi ma yamo riembo to ok kel koth, kendo gichalo yiend olemo ma ok nyagi e ndalo oro, kendo mopudh gi tiendgi, mi otho chuth.