Mathayo 15:10 - MUMA MALER 2015

¹⁰ Yesu noluongo ji ire, mi owachonigi niya, “Winjuru gima awachonu mondo ung’e tiende.

Motingʼo Loko Manyien

¹⁰ Yesu noluongo oganda ire kendo mowachonegi niya, “Chikuru itu mondo uwinj tiend wach.

Mathayo 15:10 Iomraidhean Croise

1 Ruodhi 22:28

To Mikaya nowacho niya, “Kiduogo kingima, to kara Ruoth Nyasaye ok osemiyo awuoyo!”

Isaya 55:3

Biuru ira mondo uchik itu ni gima awacho. Adier, winjuru wachna mondo ubed mangima. Eka abiro timo kodu singruok mochwere, ka asingora ni abiro herou gi chunya duto, kaka ne ahero Daudi.

Isaya 6:9

Eka nowachona niya, “Dhiyo mondo inyis jogi kama: ‘Kata da bed ni uchiko itu machal nade, to ok unuwinji. Bende kata da bed ni ung’icho matek machal nade, to ok unufweny gimoro.’

Mathayo 13:19

Ng’at mawinjo wach Loch Nyasaye, to ok donjne, chalo gi kodhi mane olwar e wang’yo. Ng’ama Rach biro, kendo maye gima ochwo e chunye.

Mathayo 15:11

Gik ma donjo e dho dhano ok ema mi dhano dok jaketho, to mana gik mawuok e dhoge ema miyo odoko jaketho”

Mathayo 15:9

Gilama kayiem nono, nimar gipuonjo chike mag dhano, mana ka gima gin chike Nyasaye!’ ”

Mathayo 24:15

“Ka uneno Gima Kuero Makelo Kethruok, mane janabi Daniel owuoyo kuome, kochung’ e Hekalu,

Luka 24:45

Eka nomiyogi rieko mar winjo tiend weche mondiki e Muma,

Jo-Efeso 1:17

ka akwayo Wuoro ma wuon duong’ duto, kendo ma Nyasach Ruodhwa Yesu Kristo, mondo omiu Roho makelonu rieko kendo fwenyonu gik moko mondo ung’eye.

Jo-Kolosai 1:9

Mano emomiyo, chakre chieng’ mane onyisowae kamano, pok waweyo mak walemonu, kwakwayo ni mondo ung’e dwaro mar Nyasaye chutho, ka un gi rieko kod ng’eyo duto ma Roho chiwo.

Jakobo 1:5

To ka ng’ato kuomu riekone orem, to ber mondo okwa Nyasaye, kendo Nyasaye nomedne rieko, nikech ochiwo gi ng’wono mak ochayo ng’ato.