Mathayo 13:57 - MUMA MALER 2015

⁵⁷ Kamano ne gisin kode. Yesu to nowachonigi niya, “Janabi imiyo duong’ kuonde duto, to mak mana jogweng’gi gi joodgi ema ochaye.”

Motingʼo Loko Manyien

⁵⁷ Kamano negichwanyore nikech en. To Yesu nowachonegi niya, “Janabi onge gi duongʼ mana e dalagi kendo gi ode owuon.”

Mathayo 13:57 Iomraidhean Croise

Isaya 49:7

Ruoth Nyasaye ma Ng’ama Ler, kendo ma Jawar Israel, wacho ni ng’at ma ji charo, ma ogendini nyono gi tiendgi, kendo ma misumba jotend piny, niya “Ruodhi nochung’ni, ka ikadho. Bende jodongo nokulreni piny nikech Ruoth Nyasaye. En Ruoth Nyasaye ma Ng’ama Ler mar Israel ma oseyieri.”

Isaya 53:3

Ji ne ojare, kendo okwere. Ne ne ng’at ma neno chandruok, kendo mong’iyo gi rem. Adier, ne wajare, mi wakwane ka gima nono, ma, ka ng’ato oneno, to loko wang’e kucha.

Isaya 8:14

En e Kar Ler, kendo e kidi ma chwanyo ji. Adier, en e lwanda mamiyo pinje jo-Israel ariyo duto podho. Chutho en e obadho mamako jo-Jerusalem.

Mathayo 11:6

To ng’at ma wachna ok chwany chunye en jahawi!”

Mathayo 13:58

Ne ok otimo honni mang’eny kuno, nikech jogo ne onge gi yie.

Mariko 6:1

Bang’e Yesu noa kuno modok dalagi gi jopuonjrene.

Mariko 6:14

Ruoth Herode noyudo osewinjo gigo duto, nimar humb Yesu koro noselak kuonde duto. Ji moko ne wacho ni, “En Johana Jabatiso ema osechier, kendo mano emomiyo en gi teko duto,”

Mariko 6:3

Donge enie japa bao ma wuod Maria cha? Koso ok en e owadgi Jakobo gi Josef gi Juda kod Simeon kagi?” Kamano ne gisin kode.

Mariko 6:4

To Yesu nowachonigi niya, “Janabi imiyo duong’ kuonde duto, mak mana jogweng’gi gi wedene kod joodgi ema ochaye.”

Luka 4:24

Eka nomedo wachonigi ni, “Onge janabi ma ji yiego e dalagi owuon.

Luka 7:23

To ng’at ma wachna ok chwany chunye en jahawi!”

Johana 4:44

nikech en owuon nosewacho niya, “Janabi ok mi duong’ e gweng’gi.”

Johana 6:42

To ne gipenjore ni, “Jali ok e Yesu wuod Josef koso? Donge wang’eyo wuon mare? To ere kaka onyalo wacho ni olor oa e polo?”

Johana 6:61

Yesu nong’eyo ni jopuonjrene ng’ur kuom puonjneno, omiyo nopenjogi ni, “Wachni obwogou koso?