Mathayo 13:44 - MUMA MALER 2015

⁴⁴ “Loch Polo chalo gi mwandu mane opandi e puodho, mi ng’ato oyudo, mi ochako oyiko kendo. Ng’atno nodoko mamor ahinya, omiyo nodhi oloko gige duto pesa, mi oduogo ong’iewo puodhono.

Motingʼo Loko Manyien

⁴⁴ “Pinyruodh polo chalo gi mwandu mopandi e puodho, ma ngʼat moro nonwangʼo kendo nopando, eka noa kanyo kopongʼ gi mor kendo nodhi mouso gige duto mane en-go modwogo ongʼiewogo puodhono.

Mathayo 13:44 Iomraidhean Croise

Ayub 28:13

Rieko ok nyal yud kuom dhano, kendo onge ng’at mong’eyo kuma diyudee.

Ngeche 16:16

Mano kaka yudo rieko gi ng’eyo, ber, moloyo yudo fedha gi dhahabu.

Ngeche 17:16

Ng’at mofuwo ketho pesa kuom puonjruok kayiem, nikech oonge gi obwongo mowinjogo gimoro.

Ngeche 18:1

Ng’at ma kendeke dwaro mana gige owuon. Ok onyal yie gik ma ji duto oyiego.

Ngeche 23:23

Adiera gi rieko gi puonjruok kod paro maber ema nyaka iyudi, kata dabed ni ing’iewogi gi nengo matek. Kik iwe ng’ato kawgi kata dabed ni omiyi ang’o.

Isaya 55:1

Winjuru! Un duto, ma riyo oloyo! Biuru mondo umodhi. Un joma onge gi chiemo, biuru ung’iew chiemo ucham. Ee, biuru ukaw akawa divai gi chak nono, ma ok uchulo gimoro.

Mathayo 13:24

Yesu nogoyonigi ngero machielo niya, “Loch Polo chalo gi ng’at mane ochwoyo kodhi mabeyo e puothe.

Mathayo 13:46

to ka osenwang’o moro maberie moloyo moko duto, to odhi oloko gige duto pesa, mondo ong’iewego.

Mathayo 13:47

“To bende Loch Polo chalo gi tol mobol e nam, mamako kit rech duto.

Mathayo 19:21

Yesu nowachone niya, “Ka idwaro doko malong’o chutho, to dhiyo mondo ilok mwanduni pesa, mondo ipog ni joma odhier, eka inibed gi mwandu e polo, to kisetimo kamano, to bi iluwa.”

Mathayo 19:27

Eka Petro nowacho ni, “To wan waseweyo gik moko duto mondo waluwi. Koro wabiro yudo ang’o?”

Mathayo 19:29

Kendo ng’ato ka ng’ato moseweyo udi, kata owetene, kata nyiminene, kata wuon, kata min, kata nyithinde, kata lope, nikech an, noyud gigo nyadi mia achiel, kaachiel gi ngima mochwere bende.

Mathayo 6:21

nikech kama mwanduni nitie e kama chunyi bende nitie.

Luka 14:33

Kamano bende onge ng’ato kuomu manyalo bedo japuonjrena ka ok oweyo gige duto.

Johana 6:35

To Yesu nodwokogi ni, “An e kuon mar ngima, kendo ng’ama obiro ira ok nowinj kech nyaka chieng’, bende ng’at moyie kuoma riyo ok nochak olo ngang’.

Jo-Rumi 15:4

Adier, weche mane ondiki chon e Muma nondiki mondo opuonjwa, kendo mondo Muma omiwa kinda kendo ohowa, mi wabed gi geno.

Jo-Kolosai 2:3

En ema mwandu duto mag rieko kod ng’eyo opand kuome.

Jo-Kolosai 3:16

Wach Kristo, gi gueth duto mokelo, mondo odag e chunyu. Puonjreuru kendo jiwreuru gi rieko duto. Weruru mamit e chunyu ni Nyasaye, kugoyone erokamano gi wende Zaburi gi wende pak kod wende mag chuny.

Jo-Hibrania 10:34

Ne usandoru kaachiel gi joma ne otue e jela, bende ne uyie mondo oyak giu, kung’eyo ni un gi mwandu maber moloyo, kendo mosiko.

Fweny 3:18

To ang’adoni rieko ni mondo ing’iew kuoma dhahabu mopwodhi gi mach mondo inwang’ mwandu. Lewni marachere bende ing’iew kuoma irwakrigo mondo igeng’go dugi makeloni wichkuot. Yath bende ng’iew, iwirgo wang’i mondo inen.