Mathayo 13:39 - MUMA MALER 2015

³⁹ kendo jasigu mane ochwoyo ogolo e Satan. Keyo to e giko piny, kendo jokeyo e malaika.

Motingʼo Loko Manyien

³⁹ to jasigu ma komogi en Jachien. Keyo en giko piny, to jokeyo gin malaike.

Mathayo 13:39 Iomraidhean Croise

Daniel 7:10

Mach nodhuolore kanyo mana ka aora mamol. Ne nitie ji gana gi gana kanyo matiyone, kendo ji tara gi tara mochung’ e nyime. Eka bura nochakore, mi oyar kitepe.

Joel 3:13

Gin gi richo mang’eny, omiyo betgiuru duto ka cham mibeto chieng’ keyo. Nyon-giuru ka mzabibu minyono kar bicho, ma mzabibu opong’o, kendo divai o oko.

Mathayo 12:32

Ng’at mowacho wach moro marach kuom Wuod Dhano, to owene, to ng’at mowuoyo marach kuom Roho Maler ok nowene e pinyni kata e piny mabiro.

Mathayo 13:22

Kodhi mane olwar e kind kudho, to e ng’at mawinjo wach to paro mag piny gi ber mar mwandu thung’o wachno, mi ok nyag gimoro.

Mathayo 13:25

To otieno, kane ji nindo, jasike nobiro mochwoyo ogolo e kind cham.

Mathayo 13:28

En to nodwokogi niya, ‘Jasigu moro ema otimo kamano!’ Eka jotichne nochako openje ni, ‘Idwaro ni mondo wadhi wapudhgi oko koso?’

Mathayo 13:40

Kaka ichoko ogolo, kendo iwang’o e mach, e kaka nochok ji, mi wang’ chieng’ giko piny.

Mathayo 13:49

Mano bende e kaka notim ni ji, chieng’ giko piny. Malaika nowuogi kendo nopog joma richo kuom joma beyo,

Mathayo 24:3

Kane Yesu obet piny e got Zeituni, jopuonjrene nobiro ire kar kende, mowachone niya, “Nyiswa ane kinde ma gigi duto notimree, kod gima notimre ma nyiso ni kinde mibiro duogoe, kod kinde mar giko piny, osechopo.”

Mathayo 25:31

Bang’ mano Yesu nowacho niya, “Ka Wuod Dhano obiro e duong’ne maler, kaachiel gi malaika duto, to nobedi e kom lochne man gi duong’,

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

1 Jo-Korintho 10:11

Gigo duto notimorenigi kaka ranyisi, kendo ne ondikgi ni mondo watang’, wan mwadak e ndalo ma piny rumoeni.

2 Jo-Korintho 11:3

To aluor ni kaka thuol nowuondo Hawa gi riekone parou bende kamoro inyalo wuondo mi uwe hero Kristo kende gi chunyu duto.

2 Jo-Korintho 2:17

Wan ok wachal gi ji mathoth makonyore gi Wach Nyasaye e yo ma ok kare, mondo oyudgo ohala. Ooyo, wan joma Nyasaye oseoro, omiyo wawuoyo e nyim Nyasaye gi adiera ka joma ni kuom Kristo.

Jo-Efeso 2:2

E ndalogo, yore richo ema ne uwuothoe, kuluwo timbe mag pinyni. Ne uwinjo wach ruodh teko mar kind polo gi piny, ma en chuny ma koro tiyo kuom joma otamore yie kuom Nyasaye.

Jo-Hibrania 1:2

to e ndalo mogikgi, Wuowi owuon ema osebedonwa wach Nyasaye. En ema Nyasaye osekete wuon gik moko duto, kendo en ema osemiye chueyo gik moko duto.

Jo-Hibrania 9:26

nikech ka da bed ni otimo kamano, to dine osande pile, chakre chuech piny. To e ndalo ma piny rumoeni osefwenyore mana dichiel kende, ni mondo otiek richo, kochiwore owuon ka misango.

1 Petro 5:8

Beduru motang’ kurito, nikech jasiku ma Satan bayo kuonde duto ka sibuor magoyo asumbi, ka dwaro ng’ama dongam!

Juda 1:14

Enoka, nyakwar Adam kuom tieng’ mar abiriyo, nokoro wach jogo, kane owacho niya, “Neuru! Ruoth osebiro gi oganda mang’ongo mar joge maler,

Fweny 12:9

Thuol maduong’no ne owit mwalo e piny kaachiel gi malaikane duto. En e thuol mang’ongo machon miluongo ni Jachien kata Satan, mane owuondo piny ngima.

Fweny 13:14

To honni mane oyiene ni mondo otim e nyim Ondiek mokwongo ema nowuondogo joma odak e piny. Ne ogolo chik mondo joma odak e piny olos gima ket gi ondiek mane ogo lero mar tho gi ligangla, to ne ok otho.

Fweny 19:20

To ne olo Ondiek, mi omaki kaachiel gi Janabi mar Miriambo, mane osebedo katimo honni e nyime. Honnigo ema ne osewuondogo joma ne oketnigi alama mar Ondiek, kendo mane lamo gima ket gi Ondiegno. Ondiek gi Janabi ne owit kangima e ataro mar ligek mach.