Mathayo 12:42 - MUMA MALER 2015

⁴² Chieng’ Bura, Ruoth madhako mar piny milambo nochung’, kendo nodonjnu nikech ne oa kuma bor ahinya mondo obi owinj rieko Solomon. To awachonu ni koro nitie gimoro kaeri man gi duong’ moloyo Solomon.

Motingʼo Loko Manyien

⁴² Ruoth ma dhako mar piny ma milambo nochungʼ chiengʼ bura kaachiel gi tiengʼni kendo nongʼadne bura kaka jaketho, nimar nobiro koa e tungʼ piny kuma bor mondo owinj rieko Solomon, to sani koro nitie ngʼato ka maduongʼ moloyo Solomon.

Mathayo 12:42 Iomraidhean Croise

1 Ruodhi 10:24

Piny duto ne biro ir Solomon mondo owinj rieko mane Nyasaye omiye.

1 Ruodhi 3:12

koro atimoni kaka isekwayo. Amiyi chuny mar rieko kod mar ng’eyo. Pok onywolie ng’at machal kodi, bende ok nonywol moro bang’i.

1 Ruodhi 3:28

Jo-Israel duto nowinjo bura mane ruoth ong’ado, mi ne giluore, nikech ne gineno ni rieko Nyasaye ni kuome, ka konye ng’ado bura makare.

1 Ruodhi 3:9

Emomiyo yie imiya chuny mariek, manyalo yango gima ber gi gima rach, mondo ang’adgo ni jogi bura, nikech ere ng’ama dinyal ng’ado bura ni jogi mang’enygi?”

1 Ruodhi 4:29

Nyasaye nomiyo Solomon rieko gi winjo mathoth, to kod paro malach ka nam.

1 Ruodhi 4:34

Ji ne biro, koa e ogendini duto, mondo owinj rieko Solomon. Ruodhi duto mag piny ngima mane osewinjo humb riekone bende ne biro ire.

1 Ruodhi 5:12

Ruoth Nyasaye nomiyo Solomon rieko, kaka nosesingorene. Kue ne nitie e kind Hiram gi Solomon, kendo ne gitimo winjruok.

Isaya 7:14

Koro Ruoth Nyasaye owuon biro miyou ranyisi ma chalo kama: Nyako moro osemako ich, kendo obiro nywolo wuowi, ma obiro chako ni Emanuel, (ma tiende ni, Nyasaye ni kodwa.)

Mathayo 12:41

To Chieng’ Bura, jo-Nineve nochung’ mi donjnu, nikech kane Jona olandonigi Wach Nyasaye, to ne gilokore mi giweyo richogi, to awachonu ni koro nitie gimoro kaeri man gi duong’ moloyo Jona.

Mathayo 12:6

Koro anyisou ni nitie gimoro kaeri man gi duong’ moloyo Hekalu.

Mathayo 17:5

To kane pod owuoyo, bor polo marieny nobiro moumogi gi tipone, kendo ne giwinjo dwol moro ka wacho gie bor polo niya, “Ma e Wuoda mahero. Chunya mor kode. Winjeuru.”

Mathayo 3:17

Eka duol nowuoyo gie polo niya, “Ma e Wuoda ma ahero. Chunya mor kode.”

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Johana 1:18

Onge ng’ama oseneno Nyasaye, to Wuowi ma miderma, machiegni gi Wuoro moloyo, ema osemiyo wang’eye.

Rapar mar Chik 30:13

Bende ok en loka nam, ma dimi uwach ni, ‘Ng’ama ding’adnwa nam mondo okelwago, mi opuonjwa, eka warite?’