Mathayo 11:20 - MUMA MALER 2015

²⁰ Yesu nochako wuoyo kuom mier mane otimoe honni mang’eny, korogo ni joma odakie nikech ne gitamore loko chunygi.

Motingʼo Loko Manyien

²⁰ Eka Yesu nochako kwedo mier mane thoth honnige osetimoree, nikech negitamore weyo richo.

Mathayo 11:20 Iomraidhean Croise

Jeremia 8:6

Ne achiko ita mondo awinj wechegi, to ne ok giwacho adiera kata achiel. Onge kata ng’at achiel kuomgi moseloko chunye kuom timbegi maricho, kata moseywagore kuom richo mosetimo. Ng’ato ka ng’ato mwomore e timbene, mana ka faras lweny mochodo kochiko wasigu.

Mathayo 12:41

To Chieng’ Bura, jo-Nineve nochung’ mi donjnu, nikech kane Jona olandonigi Wach Nyasaye, to ne gilokore mi giweyo richogi, to awachonu ni koro nitie gimoro kaeri man gi duong’ moloyo Jona.

Mariko 16:14

Bang’e mogik, Yesu nofwenyore ni jopuonjrene apar gachiel kane oyudo gichiemo. Noseyogi nikech ne gisedagi yie, kendo nikech chunygi ne tek, ma ok ginyal yie wach joma ne onene kosechier.

Mariko 9:19

Eka Yesu nowacho ni ji niya, “Yaye, ma tieng’ ma onge yie manade! Nyaka karang’o monego abedie kodu? Koso anachandra kodu nyaka karang’o? Keluru rawerano ira ka”.

Tich Joote 17:20

Wawinjo kiwacho weche moko mayoreyore, omiyo dwaher ng’eyo tiendgi.”

2 Jo-Korintho 12:21

Bende aluor ni ka abiro to Nyasacha dipo ka omiya bedo gi wichkuot e nyimu, mi dabed gi kuyo nikech joma thoth mane oketho, to otamore lokore kuom tim ma ok ler mane gisebedo ka gitimo, kaka terruok kod anjawo.

Jakobo 1:5

To ka ng’ato kuomu riekone orem, to ber mondo okwa Nyasaye, kendo Nyasaye nomedne rieko, nikech ochiwo gi ng’wono mak ochayo ng’ato.

Fweny 16:11

to ne giyanyo ayanya Nyasach polo nikech rem kod adhonde ma gi-go, to kendo ne ok gilokore giweyo timbegigo.

Fweny 16:9

Omiyo ji nowang’ malit ahinya, to kata kamano ne giyanyo ayanya nying Nyasaye man gi teko mar kelo masichego, kendo ne gitamore loko chunygi mondo gimiye duong’.

Fweny 2:21

Ne amiye kinde mondo olok chunye, to otamore weyo terruokne.