Mathayo 10:5 - MUMA MALER 2015

⁵ Yesu nooro joote apar gariyogo, kowachonigi niya, “Kik udhi e piny joma ok jo-Yahudi, bende kik udonj e dala jo-Samaria moro amora,

Motingʼo Loko Manyien

⁵ Yesu nooro ji apar gariyogi gi ote machal kama: “Kik udhi e dier joma ok jo-Yahudi, kendo kik udonj e dala moro amora mar jo-Samaria.

Mathayo 10:5 Iomraidhean Croise

Mathayo 22:3

Ne ooro jotichne mondo odhi onyis joma oluongi mondo obi, to joma oluonggo nodagi.

Mathayo 4:15

Isaya nosewuoyo kuom piny Zebulun gi piny Naftali man yo podho chieng’ mar aora Jordan, e yo madhi nam Mediterania, tiende ni Galili piny Ogendini. Nowacho niya,

Mariko 6:7

Chieng’ moro, kane Yesu wuotho e mier mokiewo kanyo, kapuonjo ji, noluongo joote apar gariyo, mi oorogi ariyo ariyo. Ne omiyogi teko mar golo jochiende,

Luka 10:1

Bang’ mano, Ruoth Yesu noyiero ji piero abiriyo gariyo mamoko, moorogi ariyo ariyo, mondo gitel nyime e mier duto kod kuonde duto mane en owuon odwaro dhiye.

Luka 10:33

To kane ja-Samaria moro ma bende noyudo nie wuoth ochopo kanyo, moneno ng’atno, nokeche.

Luka 17:16

Ne ogoyo chonge piny, mokulore e tiend Yesu, kogoyone erokamano. To ne en ja-Samaria!

Luka 9:1

Yesu noluongo jopuonjrene apar gariyo kaachiel, mi omiyogi teko mar golo jochiende duto, kod mar chango tuoche duto.

Luka 9:2

Eka noorogi mondo gidhi giland Wach Loch Nyasaye, kendo gichang joma tuo.

Johana 17:18

Aseorogi e piny mana kaka in bende ne iora e piny.

Johana 20:21

Yesu nowachonigi kendo niya, “Kue obed kodu! Kaka ne Wuora oora, e kaka an bende koro aorou.”

Johana 4:20

To kwerewa ne lemo e wi godni, to un jo-Yahudi uwacho ni Jerusalem e kama ji onego olemie.”

Johana 4:5

omiyo nochopo e dala Samaria moro miluongo ni Sukar, machiegni gi puodho mane Jakobo omiyo Josef wuode.

Johana 4:9

To chi Samariano nodwoke ni, “Ere gimomiyo ikwaya pi, to in ja-Yahudi, to an to an chi Samaria?”

Johana 7:35

Jodong jo-Yahudi nopenjore kendgi niya, “Kanye modwaro dhiye ma ok wanyal nwang’ee? Koso odwaro dhi kuom jo-Yahudi modak e pinje joma ok jo-Yahudi mondo opuonj joma ok jo-Yahudi?

Johana 8:48

Eka jo-Yahudi nowacho ni Yesu ni, “Donge wan kare kwawacho ni in ja-Samaria, kendo ni jachien ni kodi?”

Tich Joote 1:8

To unuyud teko ka Roho Maler obiro kuomu, kendo ununyis ji gik mung’eyo kuoma, kuchako gi Jerusalem, nyaka Judea duto, gi Samaria kod tung’ piny gi tung’ piny.”

Tich Joote 10:45

Jo-Yahudi mane oyie kuom Kristo mane osebiro gi Petro koa Jopa ne owuoro ahinya ka gineno ni Nyasaye omiyo joma ok jo-Yahudi Roho Maler,

Tich Joote 8:1

Chieng’ onogo, kanyakla mar jo-Kristo man Jerusalem nochako yudo sand malit. Giduto nokegi kuonde duto e pinje Judea gi Samaria, mak mana joote kende ema ne odong’ Jerusalem.

1 Jo-Thesalonika 2:16

To bende gitemo koda ka sindowa mondo kik waland ni joma ok jo-Yahudi wach makelonigi warruok. Kamano gipong’o rapor mar richogi, omiyo mirimb Nyasaye koro osejukogi!