Mathayo 1:20 - MUMA MALER 2015

²⁰ To kane oyudo pod oparo wach, malaika mar Nyasaye nofwenyorene e lek, mowachone niya, “Josef nyakwar Daudi, kik iluor kawo Maria obed chegi, nikech ich ma en gono oyudo kuom teko mar Roho Maler.

Motingʼo Loko Manyien

²⁰ To bangʼ paro mar timo kamano, Malaika mar Ruoth nofwenyorene e lek mowachone niya, “Josef wuod Daudi, kik iluor dhi gi Maria dala kaka chiegi, nikech gima otingʼo e iye owuok kuom Roho Maler.

Mathayo 1:20 Iomraidhean Croise

Chakruok 31:11

Malaika mar Nyasaye nowuoyo koda ka aleko, moluonga niya, ‘Jakobo’. Mi nadwoke ni, ‘Antie’

Chakruok 46:3

Eka Nyasaye nowachone niya, “An Nyasaye ma Nyasach wuoru. Kik iluor dhi Misri, nikech anatimi oganda maduong’ kuno.

1 Ruodhi 17:13

Elija nowachone niya, “Kik iluor. Dhi mondo itim kaka asewacho, to mokwongo ited kuon matin ikelna, eka bang’e ited modong’ ucham gi wuodi.

1 Ruodhi 3:5

Kane Solomon odhi dalano, Ruoth Nyasaye nofwenyorene e lek gotieno, mowachone ni, “Kwa gima idwaro mondo amiyi.”

Zaburi 119:125

An jatichni; kuom mano, miya rieko, mondo awinj tiend weche mipuonjo.

Zaburi 143:8

Nyisa herani mosiko gokinyi, nimar ageno kuomi, yaye Ruoth Nyasaye. Bende nyisa yo monego aluw, niikech kuomi ema aketoe chunya duto.

Zaburi 94:19

Ka an gi parruok kendo kihondko omaka, to ikueyo chunya, kendo imiya bedo mamor.

Ngeche 12:5

Joma kare pile timo ni jowadgi maber. Joricho to wuondo jowadgi awuonda.

Isaya 26:3

Joma parogi osiko kuomi, A Nyasaye, irito gi kue. Gin gi kue nikech gigeno kuomi.

Isaya 30:21

To kubaro koracham kata korachwich, mi uweyo yo, to unuwinj gi itu uwegi ka dwol moro wachonu gi kang’eu niya, “Ma e yo, luweuru.”

Isaya 51:7

Winjuru, un joma ong’eyo tim makare kaka obet, kendo ma keto chunygi kuom chikna. Kik uluor achaya mag ji, kendo ayany ma giyanyougo kik gou kibaji,

Isaya 7:13

Bang’e Isaya nowacho niya, “Un joka Daudi, chikuru itu. Olo chuny ji ma uolo pok oromou koso, ma pod udwaroe mana olo Nyasacha bendeni?

Isaya 7:2

Kane joka Daudi owinjo ni jo-Aram osewinjore gi jo Efraim, ne gitetni kaachiel gi Ahaz ma ruodhgi, mana ka yien manie bungu ma yamo uko.

Jeremia 31:22

Ubiro digni kamano nyaka karang’o, un joma andhokegi? An Ruoth Nyasaye asechueyo gimoro ma hono: asemiyo dhako odoko maratego mana ka dichwo!”

Jeremia 33:26

to eka anyalo ketho singruok mane atimo gi nyikwa Jakobo kendo gi Daudi jatichna, ni anaket nyakwar Daudi moro obed ruodh nyikwa Ibrahim gi Isaka kod Jakobo. Adier, abiro timonigi ng’wono mi gichak gidhi nyime maber.”

Jeremia 40:9

Eka Gedalia nowachonigi niya, “Awachonu adier ni ok onego uluor chiworu e lwet jo-Babulon. Daguru adaga e pinyni mondo uti ni ruodh Babulon, to ubiro dhi nyime maber.

Joel 2:28

“Bang’e naol Roho mara kuom ji duto. Yawuotu gi nyiu nokor wach, bende jou madongo nolek lek, kendo jou matindo none fweny.

Kwan 12:6

kendo kane gibiro e nyime, nowachonigi niya, “Winjuru wechena: Ka de ni Musa en mana janabiu, to dafwenyorane, kendo dawuoyo kode e lek.

Mathayo 1:18

Nywol mar Mesia ne chalo kama: Kane Josef osemako keny Maria min Yesu, to pok gikendore, Maria noyudo ni osemako ich kuom teko mar Roho Maler.

Mathayo 2:12

To Nyasaye ne osiemogi e lek ni kik gidog ir Herode, omiyo ne gidok thurgi gi yo machielo.

Mathayo 2:13

To kane ajuoke osewuok, malaika mar Ruoth nofwenyore ni Josef e lek, mowacho ne niya, “A malo, ikaw nyathi kod min mare mondo iring idhi Misri, kendo ibed kuno nyaka aduogni wach, nimar Herode biro dwaro nyathino mondo onegi.”

Mathayo 2:19

Bang’ tho Herode malaika mar Ruoth nofwenyore ni Josef e lek, ka en Misri,

Mathayo 2:22

To kane owinjo ni Arkelao osebedo ruoth Judea kar Herode wuon mare, ne oluoro dok kuno. Ne onyise e lek gima onego otim, omiyo ne odhi e piny Galili,

Mathayo 27:19

Kane oyudo obet e kom ng’ado bura, chiege noorone wach niya, “Kik imul wach ng’at makareno, nikech wachne nende ochanda ahinya e lek gotieno.”

Mathayo 28:5

To malaika nowacho ni mongo niya, “Kik ubed maluor. Ang’eyo ni udwaro Yesu ma nyocha ogur e msalaba,

Luka 1:19

Malaika nodwoke ni, “An e Gabriel, mochung’ e nyim Nyasaye. En ema oseora mondo alos kodi, kendo anyisi wach maberni.

Luka 2:4

Kuom mano Josef bende nowuok oa Nazareth e piny Galili, modhi piny Judea e dala miluongo ni Bethlehem, kuma ne onywolie ruoth Daudi. Nodhi kuno nikech ne en nyakwar Daudi,

Tich Joote 5:19

To gotienono malaika mar Ruoth nobiro, moyawo dhood jela. Nogologi oko mowachonigi niya,

Fweny 19:7

Wabeduru mamor ahinya, kendo wamiyeuru duong’ nikech kinde mar kend mar Nyarombo osechopo. Chiege oseikore,

Jong’ad Bura 13:3

Chieng’ moro malaika mar Nyasaye nofwenyore ni chiegeno, mowachone niya, “In dhako ma migumba ma onge nyathi, to ibiro mako ich, mi inywol nyathi ma wuowi.