Luka 8:12 - MUMA MALER 2015

¹² Omiyo kodhi mane olwar e wang’yo ochung’ kar joma winjo wachno, to Satan biro, kendo gole oko e chunygi, mondo kik gibed gi yie, mi wargi.

Motingʼo Loko Manyien

¹² Molwar e dir yo gin jogo mawinjo, to jachien biro kendo golo wach ei chunygi, mondo kik giyie ma wargi.

Luka 8:12 Iomraidhean Croise

Ngeche 1:29

Pile ne ok udwar rieko, kendo ne utamoru luoro Ruoth Nyasaye.

Ngeche 4:5

Bed gi rieko kod paro matut, kendo kik icha gima anyisi.

Isaya 65:11

“To un mane ujwang’a, an Ruoth Nyasaye, mi wiu owil gi goda maler, kendo uloso sewni ni nyiseche manono miluongo ni Gad gi Meni, kutimonigi misengni miolo piny,

Mathayo 13:19

Ng’at mawinjo wach Loch Nyasaye, to ok donjne, chalo gi kodhi mane olwar e wang’yo. Ng’ama Rach biro, kendo maye gima ochwo e chunye.

Mathayo 13:4

kendo kane oyudo ochuoyo, kodhi moko nolwar e wang’yo, mi winy obiro mochamo.

Mariko 4:15

To kodhi molwar e wang’yo e joma ochwo wachno e chunygi, kendo ka gisewinje to Satan biro, kendo gole oko kuomgi.

Luka 8:11

Eka nowacho ni jopuonjrene niya, “Tiend ngerono e ma: Kodhi en wach Nyasaye.

Luka 8:13

To kodhi mane olwar kama otimo lwanda ochung’ kar jogo ma winjo wachno, kendo yiego gi mor. To wachno ok mok e chunygi, to gibedo gi yie mana kuom ndalo matin kende, to ka tem obiro, to gipodho.

Luka 8:5

“Ng’at moro ne odhi chuoyo, kendo kane oyudo ochuoyo, kodhi moko nolwar e wang’yo, mi ji nonyonogi, kendo winy nochamogi.

Fweny 12:9

Thuol maduong’no ne owit mwalo e piny kaachiel gi malaikane duto. En e thuol mang’ongo machon miluongo ni Jachien kata Satan, mane owuondo piny ngima.