Luka 7:7 - MUMA MALER 2015

⁷ bende mano ema ne omiyo aparo ni ok onego abi iri an awuon. To wachna mana wach kende, to jatichna biro kwo.

Motingʼo Loko Manyien

⁷ Ma emomiyo asekwanora ni ok awinjora biro iri. To wach mana wach to jatichna biro chango.

Luka 7:7 Iomraidhean Croise

Zaburi 107:20

Ne ooro wachne, mi ochangogi, kendo ne oresogi e tho.

Zaburi 33:9

Ne owuoyo, mi piny obetie, kendo ne ogolo chik, mi gik moko duto othinyore.

Wuok 15:26

Nowachonigi niya, “An Ruoth Nyasaye ma Nyasachu. Ka uwinjo wechena gi chunyu duto, mi utimo mana kaka adwaro, kendo kumako chikena gi buchena, to ok nasandu gi tuoche ma nakelo kuom jo-Misri, nimar an e Ruoth Nyasaye machangou.”

Mariko 1:27

Ji duto mane ni kanyo nohum nono, mi gipenjore e kindgi giwegi ni, “Mano wach manadi! Ma e puonj manyien! Ng’atni nigi teko mar kwero kata mana jochiende maricho, mi winje!”

Luka 4:36

Ji duto mane ni kanyo nohum nono, mi giwacho e kindgi giwegi niya, “Magi weche manadi ma owachogi? Okwero jochiende gi teko maduong’ kendo giwuok awuoka!”

Luka 5:13

Yesu norieyo bade, momule, kowachone niya, “Ee, ayie! Changi!” Gikanyono dhoho noweyo ng’atno modoko mangima.

Luka 7:6

Kuom mano, Yesu nodhi kodgi. To kane ochopo machiegni gi ot, jaduong’ lwenyno nooro osiepene moko mondo owachne ni, “Jaduong’, kik ichandri, nikech an ok owinjore idonj e bwo tat oda,

Luka 7:8

Ang’eyo kamano, nikech an bende an ng’at michiko, to an awuon bende an gi askeche ma achiko. Ka awacho ni moro ni, ‘Dhiyo’, to odhi, kendo ka awacho ni machielo ni, ‘Bi’, to obiro. Jatichna bende ka awachone ni, ‘Tim kama’, to otimo”

Rapar mar Chik 32:39

“Koro ng’euru malong’o ni an e Nyasaye, kendo onge nyasaye moro, mak mana an. An kende ema anego ji, kendo an ema achiwo ngima. Ahinyo, bende achango. Onge ng’ama nyalo reso ng’ato e lweta.

1 Samuel 2:6

“Ruoth Nyasaye ema nego, kendo en ema ochiero. Oloro nyaka ei liel, bende ogolo oko.