Luka 7:16 - MUMA MALER 2015

¹⁶ Ji duto mane ni kanyo nodoko maluor ahinya, kendo ne gimiyo Nyasaye duong’, ka giwacho ni, “Janabi maduong’ osewuok kuomwa,” Kendo ni, “Nyasaye osebiro mondo ores joge!”

Motingʼo Loko Manyien

¹⁶ Ji duto ne luoro omako kendo negipako Nyasaye. Negiwacho niya, “Janabi maduongʼ osewuok e dierwa. Nyasaye osebiro konyo joge.”

Luka 7:16 Iomraidhean Croise

Zaburi 65:9

Pile iguedho piny kikelo koth ma miyo obedo momew. Aoreni ok duon, kendo gimiyo puothe nyak maber Mano e kaka iguedho piny!

Wuok 4:31

mi ne giyie ni kara Ruoth Nyasaye oseoro Musa adier. Bende kane giwinjo ni Ruoth Nyasaye oselimo jo-Israel, moneno chandruokgi, ne gikulore, mi gilame.

Jeremia 33:9

Jerusalem nobed kama miya mor, kendo makelona pak gi duong’, mi ogendini duto mae piny nobed maluor kendo makirni ka giwinjo gik moko duto mabeyo ma atimo ni jo-Jerusalem, kod dongruok maber ma akelo ni dalani.”

Mathayo 15:31

Ji nowuoro kane gineno momni ka wuoyo, kendo rang’onde kochango, gi pudhe kawuotho, kod muofni kaneno, mine gipako Nyasach Israel.

Mathayo 21:11

To oganda mane kowo Yesu nodwokogi ni, “Ma e Yesu, janabi moa Nazareth e piny Galili.”

Mathayo 28:8

Mongo noa e liel piyopiyo, kaluor, to kendo mor ahinya, mi giringo gidhi nyiso jopuonjrene.

Mathayo 9:8

Kane ji oneno gima otimore, ne giluor, mi gipako Nyasaye kuom miyo dhano teko ma kamano.

Luka 1:65

Luoro nomako jogweng’gi duto, kendo wechego nolandore e piny gode mag Judea duto.

Luka 1:68

“Wapakuru Ruoth ma Nyasach Israel, nikech ne obiro konyo joge, mi owarogi.

Luka 19:44

Ginitieki kaachiel gi jogi duto, kendo ok giniwe kata kidi achiel kochung’ ewi wadgi, nikech ne ok ing’eyo kinde mane Nyasaye obiroe iri mondo olimi!”

Luka 2:20

Jokwath nodok kapako Nyasaye kuom gik mane gisewinjo kendo gineno, mana kaka malaika nosenyisogi.

Luka 24:19

Nopenjogi ni, “En ang’o mosetimore?” Eka ne gidwoke ni, “Yesu ja-Nazareth ne janabi ma wechene gi timbene ne nigi teko e nyim Nyasaye kod ji duto.

Luka 5:26

Mano ne omiyo giwuoro ahinya, ka luoro omakogi, mi ne gidendo Nyasaye niya, “Mano kaka waneno gik malich miwuoro kawuono!”

Luka 5:8

Kane Simon oneno kamano, ne ogoyo chonge piny e nyim Yesu, mowachone niya, “Yie iweya Ruoth nikech an ng’at ma jaricho!”

Luka 7:15

Mi ng’atno noa malo, mochako wuoyo, kendo Yesu nomiye min mare.

Luka 7:39

To kane ja-Farisai mane oluongo Yesu e odeno oneno kamano, nowacho e chunye niya, “Ka da ng’atni en janabi adier, to da ong’eyo ni dhako ma muleni en ng’a! Bende dong’eyo ni en jaricho.”

Luka 8:37

Bang’ mano, ji duto mane odak e piny jo-Gerasi nokwayo Yesu mondo oa e pinygi, nikech ne giluor ahinya. Kuom mano Yesu nodonjo e yie mondo oa.

Luka 9:19

Ne gidwoke ni, “Jomoko wacho ni in Johana Jabatiso, to moko wacho ni in Elija, moko bende wacho ni in achiel kuom jonabi machon mosechier.”

Johana 1:21

Eka ne gichako gipenje ni, “To in e Elija koso?” To Johana nokwerogi ni, “Ooyo, ok an Elija.” Ne gichako gipenje ni, “In e janabi mwageno ni biro biro?” Nodwokogi ni, “Ooyo.”

Johana 1:25

Ne gipenjo Johana ni, “Ka ok in Mesia, kata Elija, kata janabi mwageno ni biro birono, to ang’o momiyo ibatiso ji?”

Johana 4:19

Dhakono nowachone ni, “Jaduong’, aneno ni in janabi.

Johana 6:14

Kane ji oneno hono mane Yesu otimono, ne giwacho ni, “Nyaka bed ni jali e janabi mane onego bi e piny ka.”

Johana 9:17

Omiyo ne gichako gipenjo muofuno niya, “In to koro ang’o miwacho kuome, kaka oseyawo wang’i ni?” Ne odwokogi ni, “En janabi.”

Tich Joote 5:5

Gikanyono mane Anania owinjoe wechego, nogore piny motho. Ji duto mane owinjo wachno, luoro nomako.

Tich Joote 7:37

En ema nowacho ni jo-Israel niya, ‘Nyasaye noyiernu janabi moa kuom jou uwegi, mana kaka ne oyiera.’

Jo-Galatia 1:24

Kuom mano ne gimiyo Nyasaye duong’ nikech an.

Rapar mar Chik 18:15

Ruoth Nyasaye ma Nyasachu noyier janabi moro ka an kuom jou uwegi, kendo nyaka uwinj wachne.