Luka 7:12 - MUMA MALER 2015

¹² To kane ochopo e dhoranga dalano, noromo gi ji moting’o ng’at motho, ma gidhi yiko. Ng’at mothono ne wuowi ma miderma, ma wuod dhako ma chi liel. Noyudo ka jodalano mang’eny jodhi kod min mare kar yiko.

Motingʼo Loko Manyien

¹² Kane osudo machiegni gi dhoranga dalano, to noromo gi joma otingʼo ngʼat motho ka igolo oko idhi yiko. Ngʼatno ne en wuowi achiel kende ma wuod dhako ma chwore otho. To oganda maduongʼ moa e dalano ne ni kode.

Luka 7:12 Iomraidhean Croise

Chakruok 22:12

Eka malaikano nokwere ni, “Kik ineg wuodi, kata kik itimne gimoro marach, nikech koro ang’eyo ni in ng’at moluoro Nyasaye, nimar ok isetama e wuodi ma miderma.”

Chakruok 22:2

Eka Nyasaye nowachone niya, “Kaw Isaka, wuodi ma miderma kendo mihero, mondo udhigo e piny Moria. Kuchopo kuno to chiwe ka misango e wi got moro ma abiro nyisi.”

2 Samuel 14:7

To koro joodwa duto okayona, kawacho niya, ‘Gol jal mane onego owadgi, mondo wanege kar owadgino.’ Kuom mano, digineg jacham mwandu bende. Gidwaro lung’o kara duto pep, mak giweyo nying chwora kata kothe e piny.”

1 Ruodhi 17:12

En to nodwoko ni, “Gi nying Ruoth Nyasaye ma Nyasachi, aonge gi gimoro motedi, mak mana sanja mar mogo modong’ e dak, kod mo matin e agulu. Koro eka adondo yien matin, mondo adhi atedgo chiemo, wacham gi wuoda, aye watho.”

1 Ruodhi 17:18

Dhakono nopenjo Elija niya, “Yaye ng’at Nyasaye, in gang’o koda? Bironi osefwenyo richona koso, ma omiyo wuoda otho?”

1 Ruodhi 17:23

Elija nokawo nyathi, molorgo koa e gorofa. Nomiye min mare, kowacho niya, “Neye! Wuodi ngima.”

1 Ruodhi 17:9

“A malo, idhi Zarefath, dala moro e piny Sidon, idag kuno, nikech asechiko chi liel moro dalano mondo opidhi.”

2 Ruodhi 4:16

Elisha nowachone niya, “Due makama, higa mabiro, inibed gi nyathi ma wuowi.” To dhakono nodwoke niya, “Ooyo, ruodha, kik iwuonda!”

2 Ruodhi 4:20

To kane osetere, nobet e tiend min nyaka sa auchiel, aye notho.

Ayub 29:13

Ji ma ne nigi chandruok madongo ne paka, kendo ne akueyo chuny mond liete.

Zekaria 12:10

Anami joka Daudi gi jo-Jerusalem chuny mang’won, kendo mohero lemo. Eka bange giniteg wang’gi kuom jal mane gichwowo, mi otho, kendo giniywage mana ka joma ywago nyathi ma miderma. Adier, giniywag malit mana ka joma ywago wuodgi makayo.

Luka 7:11

Bang’ mano, Yesu nodhi e dala moro miluongo ni Nain, kaachiel gi jopuonjrene kod oganda maduong’.

Luka 7:13

Kane Ruoth Yesu oneno dhakono, nokeche, mowachone niya, “We ywak.”

Luka 8:42

nikech nyare achiel kende ma jahigni apar gariyo ne tuo, ohewore. Kane Yesu oyudo dhiyo kuno, ji ne thung’e koni gi koni.

Luka 8:52

Ji duto mane ni kuno ne ywago nyathino malit, komako wigi, to Yesu nowachonigi niya, “Weuru ywak, nikech nyathi ok otho, to onindo aninda.”

Johana 11:19

omiyo jo-Yahudi mang’eny nobiro duogo chuny Maritha gi Maria kuom tho owadgi.

Tich Joote 9:39

Petro noa malo modhi kodgi, kendo kane ochopo kuno notere e ot manie gorofa malo cha. Mond liete duto nochung’ bute kaywak, kendo nyise lewni mane Dorca osetwang’o kane pod ongima.

Tich Joote 9:41

Petro norieyo bade, momako lwete, kendo okonye chung’. Eka noluongo mond liete kod jo-Nyasaye mamoko, mi omiyogi Tabitha kangima.

Jakobo 1:27

Lemo mar adier kendo maler e nyim Nyasaye Wuoro, en limo nyithi kiye gi mond liete e chandruokgi, kendo bende gi ritruok kuom richo mag piny.