Luka 5:8 - MUMA MALER 2015

⁸ Kane Simon oneno kamano, ne ogoyo chonge piny e nyim Yesu, mowachone niya, “Yie iweya Ruoth nikech an ng’at ma jaricho!”

Motingʼo Loko Manyien

⁸ Kane Simon Petro oneno mani, nopodho e tiend Yesu, mowacho niya, “Dhiyo ia ira Ruoth, an ngʼat ma jaricho!”

Luka 5:8 Iomraidhean Croise

2 Samuel 6:9

Daudi noluoro Ruoth Nyasaye chieng’no, mowacho niya, “Kara Sanduk mar Ruoth Nyasaye ok onego bed e dalana.”

1 Ruodhi 17:18

Dhakono nopenjo Elija niya, “Yaye ng’at Nyasaye, in gang’o koda? Bironi osefwenyo richona koso, ma omiyo wuoda otho?”

Ayub 40:4

“A Ruoth Nyasaye, ere kaka dadwoki an aanani? Ok abi temo wacho gimoro machielo kendo,

Wuok 20:19

Ne giwacho ni Musa niya, “In ema mondo iwuo kodwa, to wabiro winjo wachni. To ka Nyasaye ema owuoyo kodwa, to wabiro tho.”

Isaya 6:5

Kane aneno kamano, ne aywak, ka awacho niya, “A yaye, piny lichna! Aruenyo, nimar an ng’at ma dhoge ochido, kendo adak e kind ji ma dhogi ok ler, to eka aseneno Ruoth Nyasaye Manyalo Gik Moko Duto gi wang’a awuon!”

Mathayo 17:6

Kane jopuonjre owinjo dwolno, luoro nomakogi malich, mi gipodho piny auma.

Mathayo 2:11

Ne gidonjo e ot, mi gineno nyathino gi Maria min mare, eka ne gigoyo chonggi piny, mi gimiye duong’. Bang’e ne gigolo mwandu mane gibirogo, mi gimiye dhahabu gi ubani kod manemane, ma gin yien moko mang’ue ng’ar.

Mathayo 8:8

To jaduong’ lweny nowachone niya, “Ooyo, jaduong, an ok owinjore idonj e bwo tat oda, to wach mana wach kende, to jatichna biro kwo.

Luka 5:7

Kuom mano, ne gigwelo jowetegi mane nie yie machielo mondo obi okonygi. Jogo nobiro, kendo ne gipong’o yiedhi ariyogo duto gi rech, ma koro ne gidwaro mana nimo.

Luka 5:9

Nowacho kamano nimar en kaachiel gi joma ne gin go dhogi nomoko nikech rech mang’eny mane gimako.

Johana 11:32

Kane Maria ochopo kama Yesu nitie, monene, nogoyo chonge piny e nyime, mowachone niya, “Ruoth, ka da bed ni nyocha in ka, to owadwa ok dotho!”

1 Jo-Korintho 13:12

Koro waneno mana kido matiptip ka joma neno e rang’i marachrach, to chieng’no wananen malong’o. Rieko ma an-go sani en rieko morem, to chieng’no anang’e Nyasaye chuth, mana kaka Nyasaye ong’eya.

Fweny 1:17

Kane anene to ne apodho e tiende ka ng’at mosetho. To noyieyo lwete ma korachwich kuoma, kowacho niya, “Kik iluor, an e Jal Mokwongo kendo Mogik,

Jong’ad Bura 13:22

omiyo nowacho ni chiege niya, “Wabiro tho, nikech waseneno Nyasaye.”

1 Samuel 6:20

Eka jo-Beth-shemesh nowacho niya, “Onge ng’ama nyalo chung’ e nyim Ruoth Nyasaye, ma Nyasaye malerni! Ere kama dwatere mondo oa kuomwa?”