Luka 5:5 - MUMA MALER 2015

⁵ To Simon nodwoke niya, “Ruoth, nende watiyo matek otieno tulu, to ne ok wamako gimoro. To ka in ema iwacho kamano, to abiro chiko tonde.”

Motingʼo Loko Manyien

⁵ Simon nodwoke niya, “Ruoth, wasetiyo matek otieno duto to ok wasemako gimoro. To nikech iwacho kamano, abiro chiko tonde.”

Luka 5:5 Iomraidhean Croise

Ezekiel 47:10

Jolupo nobed ka moyo tondegi e geng nam, chakre Engedi nyaka Eneglaim. Kit rech mang’eny mopogore opogore machalo mago manie Nam Mediterenia noyudre kuno.

Luka 17:13

mi gikok niya, “Yesu! Yie ikechwa.”

Luka 8:24

Omiyo ne gisudo ir Yesu mi gichiewe, ka giwachone niya, “Ruoth! Ruoth! Watho!” Yesu noa malo, mokwero yamo gi apaka mager mi oling’, kendo nam nokue.

Luka 8:45

To Yesu nopenjo niya, “En ng’a momula?” To kane ji duto okwer, Petro nowachone ni, “Ruoth! Ok ineye kaka jogi oluori koni, gi koni, kendo othung’i?”

Luka 9:33

To kane jogo dhi weyo Yesu, Petro nowachone niya, “Japuonj, bedowa kaeri en gima ber! Omiyo we wager kiche adek, ma achiel mari, to machielo mar Musa, kendo moro mar Elija.” (To chutho ne ok ong’eyo gima owacho.)

Luka 9:49

Johana nowacho ni Yesu niya, “Ruoth, ne waneno ng’ato ka golo jochiende e nyingi, to ne wakwere, nikech ok en achiel kuomwa.”

Johana 15:14

Ka utimo gik ma achikou, to eka un osiepena.

Johana 2:5

Eka min mare nowacho ni jotich ni, “Timuru gimoro amora mowachonu.”

Johana 21:3

Simon Petro nowachonigi ni, “Adhi lupo.” To ne giwachone niya, “Wan bende wadhi kodi.” Omiyo ne gidhi giwuok, mi gidhi gidonjo e yiegi, to ne ok gimako gimoro otieno duto.