Luka 23:2 - MUMA MALER 2015

² mi gichako donjone kuno, ka giwacho niya, “Ne wanwang’o jali kapuonjo jowa marach, kokwerogi ni kik gigol osuru ni Kaisar, kendo kowacho ni en owuon en Mesia, tiende ni ruoth.”

Motingʼo Loko Manyien

² Eka negichako donjone kagiwacho niya, “Waseyudo ngʼatni kokelo tulo e pinywa. Okwedo golo osuru ni Kaisar kendo owacho owuon ni en Kristo, ma Ruoth.”

Luka 23:2 Iomraidhean Croise

1 Ruodhi 18:17

Kane Ahab oneno Elija, nowachone niya, “Kara mana in, jasand jo-Israel!”

Zaburi 35:11

Joricho bedo joneno mag miriambo kuoma, kendo gidonjona kuom ketho ma ok ang’eyo.

Zaburi 62:4

Udwaro gole mondo oa e duong’ne, kendo umor gi wacho miriambo. Uguedhe gi dhou maoko, to chunyu maiye kuong’e akuong’a.

Jeremia 20:10

Awinjo ka ji kuodha gi nying’ ma gichaka ni ‘Masira ni kuonde duto,’ kendo giwacho niya, ‘Kwedeuru! Ee, wakwede!’ Kata mana osiepena ma ageno bende gombona mana chwanyruok. Giwacho niya, ‘Dipo ka oyondhe, mi omoko, kendo wachulone kuor.’

Jeremia 38:4

Kane jodongogo owinjo wechego, ne ginyiso ruoth niya, “Ng’atni nyaka negi, nikech kowuoyo kama, to onyoso chuny jolweny kaachiel gi jomoko duto modong’ e dala ka. Emomiyo waneno ni ng’atni ok dwar konyo ji, to odwaro mana ni mondo giyud chandruok.”

Amos 7:10

Amazia jadolo man Bethel nonyiso Jeroboam ruodh Israel niya, “Amos piem kodi e Israel, kendo wechene biro ketho piny.

Zekaria 11:8

Kane pok due achiel orumo, ne ariembo jokwath adek nikech ne gijoga, kendo gin bende chunygi nosin koda.

Mathayo 17:27

To kata kamano, ok onego wachwany chuny josol osurugi, omiyo dhiyo, ibol olowu e nam, iywa rech mokwongo. Eka iyaw dhoge, inwang’ie shekel achiel. Kawe, imi josol osurugo, obed osuchwa, wan ji ariyo.”

Mathayo 22:21

Ne gidwoke ni, “Gin mag Kaisar.” Eka Yesu nowachonigi niya, “Emomiyo, chiwuru ni Kaisar gi Kaisar, to gi Nyasaye chiwuru ni Nyasaye.”

Mathayo 27:11

Yesu koro noter e nyim ruoth Pilato, mi ruoth nopenje niya, “In e ruodh jo-Yahudi koso?” Yesu to nodwoke ni, “In ema isewacho kamano.”

Mariko 12:17

Eka Yesu nowachonigi niya, “Chiwuru ni Kaisar gi Kaisar, to gi Nyasaye chiwuru ni Nyasaye.” Kane giwinjo dwokoneno, dhogi nomoko.

Mariko 15:2

Pilato nopenje niya, “In e ruodh jo-Yahudi koso?” Yesu to nodwoke ni, “In ema isewacho kamano.”

Luka 23:14

mi owachonigi niya, “Nende ukelona jali ni en ng’at maketho oganda, to asenone e nyimu, kendo ok ayudo ni en gi ketho mudonjonegogi.

Luka 23:5

To ne gijiwo wach matek niya, “Oketho ji, kopuonjo e Judea duto. Ne ochako Galili, kendo koro osechopo ka.”

Johana 18:29

Kuom mano, Pilato nowuok irgi oko, mopenjogi niya, “Wach ang’o ma udonjonigo ng’atni?”

Johana 18:30

To ne gidwoke ni, “Ka da bed ni ng’atni ok jaketho, to da ok wakele e nyimi.”

Johana 19:12

Mano omiyo Pilato nomedo dwaro gonye, to jo-Yahudi nogoyo koko matek ni, “Ka igonyo ng’atni to kara ok in osiep Kaisar, nikech ng’ato ang’ata ma owacho ni en ruoth to opiem gi Kaisar.”

Tich Joote 24:13

Bende ok ginyal ng’eng’a kuom weche ma gidonjonagogi.

Tich Joote 24:5

Wasenwang’o ni ng’atni en achach marach, kendo okelo jemo e kind jo-Yahudi e piny ngima, to bende en jatend kanyakla mar jo-Nazareth.

Jo-Rumi 13:7

Miuru ng’ato ka ng’ato gima onego umiye, bed ni en osuru, kata luor, kata duong.’