Luka 22:3 - MUMA MALER 2015

³ Bang’e Satan nodonjo kuom Judas miluongo ni Iskariot, mane acheil kuom jopuonjre Yesu apar gariyo.

Motingʼo Loko Manyien

³ Eka Satan nodonjo kuom Judas, miluongo ni Iskariot, achiel kuom ji apar gariyo.

Luka 22:3 Iomraidhean Croise

Zaburi 41:9

Koda ka osiepna ma ageno moloyo, kendo mane chiemo koda, bende oselokore jasika.

Mathayo 10:4

gi Simon ma jakedo ne piny, kod Judas Iskariot, mane ondhogo Yesu.

Mathayo 26:23

Yesu to nodwokogi niya, “Ng’at achiel maluto lwete koda e tawo kuomu, un ji apar gariyo, ema biro ndhoga.

Mathayo 4:10

To Yesu nodwoke ni, “Dhi kucha, Satan! Muma wacho ni, ‘Ng’ato nyaka lam mana Nyasache, kendo en kende ema nyaka otine.’ ”

Luka 22:21

To ng’euru ni ng’at mondhoga ni koda e mesa ka!

Luka 6:16

gi Judas Iskariot, mane odoko jandhok Yesu.

Johana 12:6

To ne ok owach kamano nikech ne oparo joma odhier adier, to nowacho kamano mana nikech ne en jakuo, kendo kaka ne en jakeno mar jopuonjre, nothoro kawo pesa morito.

Johana 13:18

“To ok awuo kuomu uduto, nimar ang’eyo joma aseyiero. To Muma wacho niya, ‘Ng’at machiemo koda oselokore jasika’, kendo wachno nyaka timre.

Johana 13:2

Yesu gi jopuonjrene ne koro chiemo. To noyudo Satan oseketo paro e chuny Judas wuod Simon Iskariot ni mondo ondhoge.

Tich Joote 5:3

To Petro nowachone niya, “Anania, ang’o momiyo iseweyo Satan opong’o chunyi mondo iwuond Roho Maler, kidong’ gi pesa moko mane ing’iewo puodho?