Luka 2:11 - MUMA MALER 2015

¹¹ Kawuono osenywolnu Jawar e dala Daudi. En Mesia ma Ruoth.

Motingʼo Loko Manyien

¹¹ Kawuononi e dala mar Daudi, osenywolnu Jawar; en Kristo Ruoth.

Luka 2:11 Iomraidhean Croise

Chakruok 3:15

Anaket sigu e kindi gi dhako, kendo e kind kothi gi kothe. Nyikwaye noto wiyi, to in nika ofunj tiendgi.”

Chakruok 49:10

Juda nomak ludh loch, kochunge e kind tiendene, kobedo ruoth nyaka wuon loch ma biro rito ogendini duto, chopi.

Zaburi 2:2

Ruodhi mag piny gi jotelo hodho wach mondo opiem gi Ruoth Nyasaye kod ruoth moyiero.

Isaya 9:6

nikech nonywolnwa nyathi. Adier, ibiro miyowa wuowi, kendo loch nobed e lwete. Noluong nyinge ni, Jabura Mahono, Nyasaye Maratego,, Wuoro ma nyaka chieng’, kendo Ruodh Kue.

Mathayo 1:16

to Jakobo nonywolo Josef chwor Maria. Maria to ema nonywolo Yesu miluongo ni Mesia.

Mathayo 1:21

Obiro nywolo wuowi, mi ichak ni Yesu, tiende ni Jawar, nikech enowar joge kuom richogi.”

Mathayo 16:16

Simon Petro nodwoke ni, “Ine Mesia, Wuod Nyasaye Mangima.”

Mathayo 16:20

Bang’ mano, Yesu nokwero jopuonjrene matek ni kik nyis ng’ato ni en Mesia.

Luka 1:43

Koro anto an ng’a, momiyo min Ruodha obiro lima?

Luka 1:69

Osekelonwa Jawar maratego, moa e dhood Daudi jatichne, mana kaka nosingore.

Luka 2:26

kendo nosenyise ni ok notho ka pok oneno Mesia ma Ruoth Nyasaye biro oro.

Luka 2:4

Kuom mano Josef bende nowuok oa Nazareth e piny Galili, modhi piny Judea e dala miluongo ni Bethlehem, kuma ne onywolie ruoth Daudi. Nodhi kuno nikech ne en nyakwar Daudi,

Johana 1:41

Gikanyono Andrea nodhi oyudo Simon owadgi, mowachone niya, “Wasenwang’o Mesia!” (Tiende ni Kristo.)

Johana 1:45

Filipo noyudo Nathaniel, mowachone niya, “Wasenwang’o jal mane Musa ondiko kuome e Kitap Chik, kendo mane jonabi bende ondiko kuome. En Yesu, wuod Josef, ja-Nazareth.”

Johana 11:27

Maritha nodwoke ni, “Ee, Ruoth, ayie ni in e Mesia, Wuod Nyasaye, mane onego bi e piny.”

Johana 20:31

To mago mantiegi osendiki mondo uyie ni Yesu e Mesia, Wuod Nyasaye, kendo ka uyie, to mondo ubed gi ngima kuom nyinge.

Johana 4:25

To dhakono nowachone niya, “Ang’eyo ni Mesia, miluongo ni Kristo, biro biro, kendo ka obiro to obiro nyisowa gik moko duto.”

Johana 4:42

Omiyo ne giwacho niya, “Koro wayie, to ok nikech gima nyocha iwacho, to mana nikech wasewinje gi itwa wawegi, kendo koro wang’eyo ni en Jawar mar piny.”

Johana 6:69

Wan koro waseyie, kendo wang’eyo ni in e Ng’ama Ler mar Nyasaye.”

Johana 7:41

Jomoko to nowacho ni, “En e Mesia.” To ji moko nokwer ni, “Mesia ok nyal wuok Galili!

Tich Joote 10:36

Ne ooro wachne ni jo-Israel, kokelonigi Wach Maber mar kue kuom Yesu Kristo, ma en Ruodh ji duto.

Tich Joote 13:23

“Yesu ma nyakwar Daudi ema Nyasaye otimo Jawar jo-Israel, kaka nosingore.

Tich Joote 17:3

koelonigi tiend wechego, kendo onyisogi ni Mesia nyaka ne sandi, mi chier a kuom joma otho. Nopuonjogi ni, “Yesu ma awuoyonu kuomeni e Mesia.”

Tich Joote 2:36

“Jo-Israel duto koro nyaka ng’e maonge kiawa ni Nyasaye oseketo Yesu, mane uguro e msalaba, obed Ruoth kendo Mesia.”

Tich Joote 5:31

En ema Nyasaye osekete e bade korachwich kaka Jatelo kendo Jawar, mondo omi jo-Israel olokre mondo owenigi richogi.

1 Jo-Korintho 15:47

Dhano mokwongo nochue gi lowo mar piny, to dhano mar ariyo noa e polo.

Jo-Filipi 2:11

kendo ji duto mondo ohul ni Yesu Kristo e Ruoth, mondo Nyasaye Wuoro bende oyud duong’.

Jo-Filipi 3:8

To moloyo mano, akwano gik moko duto ka gik manono, nimar gueth maduong’ mar ng’eyo Kristo Ruodha Yesu ohewo gimoro amora. Adier, ne aweyo gik moko duto olalna nikech en. Akwanogi duto mana ka yugi miwito oko, mondo ayud Kristo kaka pokna,

Jo-Kolosai 2:6

Kaka userwako Kristo ka ruoth, kamano bende e kaka onego udag kuome.

1 Johana 4:14

Waseneno ni Wuoro nooro Wuode mondo obed Jawar mar piny, kendo wanyiso ji wachno.

1 Johana 5:1

Ng’ato ka ng’ato moyie ni Yesu e Mesia, en nyathi Nyasaye, kendo ng’at mohero wuon nyathi, to ohero nyathi bende.