Luka 17:3 - MUMA MALER 2015

³ Beduru motang’! Ka owadu okethoni, to kwere. To koyie kethone, to wene.

Motingʼo Loko Manyien

³ Omiyo ritreuru uwegi. “Ka owadu otimo richo, kwere, to ka olokore oweyo richo, to wene.

Luka 17:3 Iomraidhean Croise

Zaburi 141:5

Ng’at makare nyalo kuma, kendo kwera gi ng’wono, to ok nawe jaricho wir wiya gi mo, nikech pile alemo mondo timbene maricho okethre.

Wuok 34:12

Ritreuru mondo une ni ok utimo winjruok moro gi jopiny mudhiyeno, nono to gilokorenu obadho.

Ngeche 17:10

Kikwero ng’at mariek dichiel kende, to opuonjore maber, moloyo ng’at mofuwo migoyo ndalo mia achiel, eka winj gimoro.

Ngeche 27:5

Kwero ng’ato ratiro ber moloyo here, to ok inyise kethone.

Ngeche 9:8

Kuom mano, kik item rieyo ng’at ma jasunga, nikech mano biro miyo obet mamon kodi. To ka irieyo ng’at man gi rieko, to obedo osiepni.

Tim jo-Lawi 19:17

Kik imak sadha gi wadu, to nyaka inyise kethone wang’ gi wang’; mano eka ok dibed jaketho.

Mathayo 18:21

Bang’e Petro nobiro ir Yesu, mopenje ni, “Ruoth, owadwa dikethna nyadidi, kapod aweyone aweya? Dawene nyaka ndalo abiriyo koso?”

Luka 21:34

“Ritreuru mondo kik utim anjawo, kata kik ubed jomer kata joma parore kuom gik manie pinyni, nono to chieng’no biro poyou mana ka obadho,

Jo-Efeso 5:15

Emomiyo tang’uru ahinya kaka onego ubedi. Kik ubed ka joma ofuwo, to beduru ka joma riek.

Rapar mar Chik 4:15

“Chieng’ mane Ruoth Nyasaye owuoyo kodu Horeb gie mach, ne ok uneno kit gimoro amora,

Rapar mar Chik 4:23

Ritreuru mondo une ni wiu ok owil gi singruok mane Ruoth Nyasaye ma Nyasachu osetimo kodu. Kik ulos kido moro amora maket, kukethogo chik mar Ruoth Nyasaye ma Nyasachu,

Rapar mar Chik 4:9

“To beduru kutang’ kendo neuru ni wiu ok owil gi gik museneno gi wang’u. Kik uwe gia e chunyu ka pod ungima, to hulgiuru ni nyithindu kendo ni nyikwau.

Jo-Hibrania 12:15

Ritreuru mondo une ni onge ng’ato kuomu molal, kendo oweyo ng’wono mar Nyasaye, bende kik sigu moro bed e kindu, manyalo kelo chandruok, mi keth ji mang’eny.

Jakobo 5:19

Owetena, ka ng’ato kuomu obayo yo, mi oweyo adiera, to eka ng’at moro odwoke e yo,

2 Johana 1:8

Ritreuru mondo kik gima usetiyone lalnu, to uyud poku duto.