Luka 1:8 - MUMA MALER 2015

⁸ Chieng’ moro kane ogandane mar jodolo nie tich, Zekaria ne tiyo tichne mar dolo e nyim Nyasaye.

Motingʼo Loko Manyien

⁸ Chiengʼ moro kane ogandagi gi Zekaria ne ni e tich to notiyo kaka jadolo e nyim Nyasaye,

Luka 1:8 Iomraidhean Croise

1 Weche mag Ndalo 24:19

Mano e kaka nochan-gi mondo giti e Od Ruoth Nyasaye, kaluwore gi chik mane Ruoth Nyasaye ma Nyasach Israel omiyo Harun kwargi.

1 Weche mag Ndalo 24:2

to Nadab kod Abihu notho motelo ni wuon-gi, kendo ne ok giweyo yawuowi. Kuom mano joka Eleazar kod joka Ithamar kende ema nobedo jodolo.

2 Weche mag Ndalo 11:14

Jo-Lawi noweyo lopgi gi mwandugi, mi gidhi Juda gi Jerusalem, nikech Jeroboam gi yawuote noriembogi e tich dolo mar Ruoth Nyasaye.

2 Weche mag Ndalo 31:19

Noyier ji moko e mier mopogore opogore mondo opog gik moko ni jodolo ma nyikwa Harun mane odak oko e puothe man but miechgi madongo, kendo ni jo-Lawi duto ma nyinggi osechan.

2 Weche mag Ndalo 31:2

Bang’e Hezekia nopogo jodolo gi jo-Lawi e migepe mopogore opogore, kaka tichgi nobet. Moko noketo mondo otim misengni miwang’o pep, to moko misengni mag sawo, kendo moko mondo orit dhorangeye mag Od Ruoth Nyasaye, to moko mondo ogo erokamano kendo opak Ruoth Nyasaye gi wer.

2 Weche mag Ndalo 8:14

Solomon norito chik mane Daudi wuon mare ma ng’at Nyasaye oketo. Nochan jodolo e tich dolo mopogore opogore, kendo nomiyo jo-Lawi tich wer kod konyo jodolo kaka ne dwarore odiechieng’ kodiechieng’, kendo nopogo jorit rangeye tich rito rangach ka rangach.

Ezra 6:18

Bang’e ne giketo jodolo gi jo-Lawi e migepegi mag tich Nyasaye e Jerusalem, kaka nondiki e kitap Musa.

Wuok 28:1

“In iwuon nyaka iluong Harun owadu gi yawuote, ma Nadab gi Abihu gi Eleazar kod Ithamar, kuom jo-Israel mondo iket obed jodolona.

Wuok 28:41

Gigi imi Harun owadu gi yawuote, eka iwirgi gi mo, kendo iwalgi mondo gibed jodolona.

Wuok 29:1

“Kiwalo Harun gi jowuote mondo obed jodolona, to nyaka itim kama: Kaw nyarwath kod imbe ariyo maonge gi songa.

Wuok 29:44

Anaguedh Hemb Romo kod kendo-mar-misango obed maler, bende anawal Harun gi yawuote mondo obed jodolona.

Wuok 29:9

kendo ituenigi okanda e nungogi, bende isidhnigi kilemba. Mano e kaka iniket Harun gi yawuote e tichgi, kendo ginibed jodolo mosiko nyaka chieng’.

Wuok 30:30

To bende iwir Harun gi yawuote, kiwalogi mondo gibed jodolona.

Kwan 18:7

To in gi yawuoti kende ema nyaka uti tichu mar dolo mitimo e kendo-mar-misango, kendo mitimo e tok Pasia. Tich dolono e tich ma amiyou. Ng’ato ang’ata ma ok jadolo motiyo tich dolo nyaka negi.”

Luka 1:5

E ndalo Herode ruodh Judea, ne nitie jadolo moro ma nyinge Zekaria, mane achiel kuom oganda jodolo miluongo ni oganda Abija. Chiege ne nyinge Elizabeth, kendo en bende ne en nyar dhood Harun jadolo.

Luka 1:7

To ne gionge nyathi, nikech Elizabeth ne dhako ma migumba, kendo giduto koro ne gin joma oti.