Kwan 9:6 - MUMA MALER 2015

⁶ To noyudo jomoko odoko mogak, nikech ne gisemulo ng’at motho, omiyo ne ok ginyal timo Pasaka chieng’ moketi. Kuom mano ne gidhi ir Musa gi Harun chieng’ onogo,

Motingʼo Loko Manyien

⁶ To jomoko kuomgi ne ok obedo e nyasi mar Pasaka e odiechiengʼno nikech negibedo mogak bangʼ mulo ringre joma otho. Omiyo negibiro ir Musa kod Harun mana godiechiengno

Kwan 9:6 Iomraidhean Croise

Wuok 18:15

Musa nodwoke niya, “Nyaka atim kamano, nikech ji biro ira mondo ong’e gima Nyasaye dwaro.

Wuok 18:19

We ang’adni rieko, mondo Nyasaye okonyi. In onego ibed jachung’ ni ji e nyim Nyasaye, kiterone ywakgi.

Wuok 18:26

Jotelogo ne ng’ado bura ni ji kinde duto. Buche matek kende ema ne gitero ir Musa, to mago matindo ne ging’ado kendgi giwegi.

Tim jo-Lawi 21:11

Ok nodonj kama ng’at motho nitie ma dimi obed mogak, bed ni en wuon kata min.

Tim jo-Lawi 24:11

Nokwong’e koyanyo nying maler mar Ruoth Nyasaye, omiyo ne gikele ir Musa.

Kwan 15:33

Joma ne ojuke komoto, nokele e nyim Musa gi Harun kod oganda duto mar Israel.

Kwan 19:11

“Ng’at momulo ng’at motho nobed mogak kuom ndalo abiriyo.

Kwan 19:14

“Ka ng’ato otho e hema, to chik moketi e ma: Ng’ato ang’ata modonjo e hemano, kata ng’ato ang’ata manie hemano nobed mogak kuom ndalo abiriyo,

Kwan 19:16

Kata ka ng’at man oko omulo ng’at moneg e lweny kata ng’at ma otho athoya, kata omulo choke dhano kata mana liel obedo mogak kuom ndalo abiriyo.

Kwan 19:18

Bang’e ng’at ma ok ogak nokaw owino mi nolut e pigno, eka nokir e hema kod e gik moko manie iye, kaachiel gi ji duto ma tho ng’atno oyudo kanyo. Ng’at momulo choke dhano, kata ng’at monegi, kata ng’at motho athoya, kata momulo liel, bende nokir pigno kuome.

Kwan 27:2

Ne gibiro e dho Hema Miromoe gi Nyasaye e nyim Musa gi Eleazar jadolo kaachiel gi jodongo kod oganda duto, mi giwacho niya,

Kwan 27:5

Kuom mano Musa notero wachgi e nyim Ruoth Nyasaye,

Kwan 5:2

“Chik jo-Israel ni joma nigi tuo dhoho, kata man gi nyach machuer, kata mogak nikech omulo gimoro motho, mondo ogol e kambi.

Kwan 9:7

mi giwacho niya, “Wagak, nikech wasemulo ng’at motho. To koro mano dimonwa kelo ni Ruoth Nyasaye chiwowa chieng’ moketi, kaachiel gi jo-Israel mamoko koso?”

Johana 18:28

Ne gigolo Yesu e dala Kaiafa, mi gitero e od bura mar ruoth. Ne en okinyi mang’ich. To jo-Yahudi ne ok odonjo e odno, nikech ne ok gidwar bedo mogak, ma dimon-gi chamo Pasaka.