Kwan 8:7 - MUMA MALER 2015

⁷ To ma e kaka nipwodhgi: Kir kuomgi pi mapwodho richo. Nyaka giliel dendgi duto, kendo gilwok dendgi, mi gidok mopwodhore.

Motingʼo Loko Manyien

⁷ Kipwodhogi, to itim kama: Kwo pi mipwodhogigo kuomgi; bangʼe giliel yie dendgi duto kendo giluok lepgi, eka gibed joma opwodhi.

Kwan 8:7 Iomraidhean Croise

Chakruok 35:2

Omiyo Jakobo nowacho ni joode kod joma nodak kode niya, “Goluru nyiseche mag pinje mamoko ma un go. Pwodhreuru, kendo rwakuru lewni maler.

Zaburi 51:2

Lwok timbena mamono, kendo pwodha kuom richona.

Zaburi 51:7

Golna richona, eka abed maler, kendo lwoka mondo abed matar moloyo pe.

Wuok 19:10

Ruoth Nyasaye nowacho ni Musa niya, “Dhiyo, ipwodh ji kawuono gi kiny kendo inyisgi gilwok lepgi.

Isaya 52:15

e kaka ogendini mang’eny nobwogi ka onene, kendo ruodhi noling’ thi e nyime, nikech ginine gima ne pok giwinjo.

Jeremia 4:14

Un jo-Jerusalem, lwokuru richo manie chunyu mondo oresu. Ubiro siko kuparo weche maricho nyaka karang’o?

Ezekiel 36:25

Anakir kuomu pi maliw, mi apuodhu kuom nyisecheu mamono, kod gimoro amora mane odwanyou.

Tim jo-Lawi 15:27

Ng’ato ang’ata momulo gigo nobed mogak, omiyo nyaka olwok lepe, kendo olwokre, to nosik kogak nyaka odhiambo.

Tim jo-Lawi 15:6

Bende ng’ato ang’ata mobet kama ng’at ma dende chuer osebetie, nyaka lwok lepe, kendo lwokre, to nosik kogak nyaka odhiambo.

Tim jo-Lawi 16:28

Ng’at ma owang’ogi nyaka lwok lepe kendo lwokre, eka bang’e onyalo duogo e kambi.

Tim jo-Lawi 8:6

Nokelo Harun gi yawuote, mi olwoko gi pi.

Kwan 19:13

Ng’ato momulo ng’at motho, to ok nopwodhre, ochido Hema Maler mar Ruoth Nyasaye. Ng’atno nong’ad kare oko kuom jo-Israel. Pi pwodhruok ne ok kir kuome, omiyo osiko kogak.

Kwan 31:20

Bende pwodhuru lewni duto gi gimoro amora molos gi pien, kata gi yie diel mokadi, kata gi bao.”

Kwan 8:21

Jo-Lawi nopwodhre kuom richogi, kendo olwoko lepgi eka Harun nochiwogi e nyim Nyasaye ka mich moyiedhi kendo mitimogo misango mipwodhogo richo mondo gibed maler.

Jo-Hibrania 9:10

nimar gik mobadhe gin mana chiemo gi gik ma imadho kod tim lwok mopogore opogore. Magi gin mana chik mag tim maoko ma oketi mondo oti nyaka chop kinde ma Nyasaye losoe gik moko manyien.

Jo-Hibrania 9:13

Ka remb diek gi remb ruedhi kod buch roya mikiro nyalo pwodho ringre joma ogak mi gidok maler,

Jakobo 4:8

Nyasaye to kusudo ire to nosud iru. Un joricho, lwokuru luetu, kendo un johubagabaga, puodhuru chunyu.

1 Petro 3:21

Pigno en ranyisi mar batiso, ma koro resou sani. Batiso ok en golo chilo kuom ringruok, to en singruok motim ni Nyasaye gi chuny maler. Oresou nikech chier mar Yesu Kristo,

Fweny 7:14

To ne adwoke ni, “Jaduong’, in ema ing’eyo.” Eka ne owachona niya, “Magi e joma oseneno Sand Maduong’. Giselwoko lepgi e remb Nyarombo, mi gimiyo odoko marachere.