Kwan 8:12 - MUMA MALER 2015

¹² Jo-Lawi noket lwetgi e wi ruedhi kande. Rwath achiel notimgo misango mar golo richo, to machielo notimgo ni Ruoth Nyasaye misango miwang’o pep, mondo opwodhgo ni jo-Lawi richogi.

Motingʼo Loko Manyien

¹² “Bangʼ ka jo-Lawi oseketo lwetgi ewi rwedhigo, to chiw achiel kuomgi ne Jehova Nyasaye kaka misango mar golo richo, to machielo chiw kaka misango miwangʼo pep mipwodhogo jo-Lawi mondo ngʼwon-nigi.

Kwan 8:12 Iomraidhean Croise

Wuok 29:10

“Kel nyarwath e nyim Hemb Romo, kendo Harun gi yawuote oket luetgi e wiye,

Tim jo-Lawi 1:4

Nyaka oket lwete ewi chiayono, mi Ruoth Nyasaye noyie gi misangono mondo obed gima opwodhnego richone.

Tim jo-Lawi 14:22

kod akuch odugla ariyo kata nyithi akuru ariyo kaka onyalo yudo. Winyo achiel notimgo misango mar golo richo, to machielo notimgo misango miwang’o pep.

Tim jo-Lawi 16:11

Harun nyaka chiw rwath mondo otimgo misango mar golo richo, kopwodhorego kaachiel gi joode.

Tim jo-Lawi 16:21

Enoket lwetene duto ewi diendno, kendo nohul richo duto mag jo-Israel gi timbe mane giweyogo Ruoth Nyasaye, tiende ni richogi duto. Enowe richogo duto ewi diendno, eka nomiye ng’at ma noyud obet ka rito mondo otere e thim.

Tim jo-Lawi 16:6

Nyaka otim misango mar golo richo gi rwath mondo opwodhrego kaachiel gi joode.

Tim jo-Lawi 4:15

Eka jodong oganda noket lwetgi ewi nyarwadhno e nyim Ruoth Nyasaye, kendo noyang’e kanyo.

Tim jo-Lawi 4:20

Nowang’ nyarwadhno mana kaka iwang’o rwath mitimogo misango mar golo richo. Kamano e kaka jadolo nopwodhnigi kethogi, mi nowenigi.

Tim jo-Lawi 4:35

Enogol boche duto, mana kaka igolo boche mag rombe mitimogo misengni mag sawo. Eka nowang’ bochego ewi misengni miwang’o ni Ruoth Nyasaye, kopwodhogo ketho ma ng’atno osetimo, mi nowene.

Tim jo-Lawi 4:4

Enokel nyarwadhno e dho Hemb Romo e nyim Ruoth Nyasaye, mi noket lwete e wiye, kendo noyang’e kanyo.

Tim jo-Lawi 5:7

Ka ng’ato odhier ma ok onyal yudo kata mana chiayo moro matin, to enokel ni Ruoth Nyasaye akuch odugla ariyo, kata nyithi akuru ariyo, kuom richo mosetimono. Akuru achiel notimgo misango mar golo richo, to machielo notimgo misango miwang’o pep.

Tim jo-Lawi 8:14

Bang’ mano Musa nokelo rwath mane idhi timgo misango mar golo richo, mi Harun gi yawuote noketo lwetgi e wiye, eka Musa nonege.

Tim jo-Lawi 8:15

Nokawo remb rwadhno mi omieno e tunge kendo-mar-misango gi lith lwete, mondo opwodhego. Eka nopuko remo modong’ e tiend kendo-mar-misango, mi owalo ni Ruoth Nyasaye, kotimoe misango mipwodhogo richo.

Tim jo-Lawi 8:18

Eka Musa nokelo im mane ibi timgo misango miwang’o pep. Harun gi yawuote noketo lwetgi ewi imno, eka Musa nonege.

Tim jo-Lawi 8:34

Kaka wasepwodhou kawuononi e kaka Ruoth Nyasaye nochiko ni mondo otim.

Tim jo-Lawi 9:7

Nowacho ni Harun ni, “Sud but kendo-mar-misango, mondo itim misango mar golo richo, kod misango miwang’o pep, mondo ipwodhrigo, kendo ipwodhgo joodi. Bang’e itim misango gi jamni ma oganda ochiwo, kipwodhogo oganda, kaka Ruoth Nyasaye ochiko.”

Kwan 6:14

kendo nochiw ni Ruoth Nyasaye nyaim ma hike achiel maonge songa mondo otimgo misango miwang’o pep, gi rombo swini maonge songa mondo otimgo misango mar sawo,

Kwan 6:16

Jadolo nochiw gigo duto e nyim Ruoth Nyasaye, eka notim ni ng’atno misango mar golo richo kod misango miwang’o pep.

Kwan 8:13

Bang’e iniket jo-Lawi e nyim Harun gi yawuote kichiwogi ni Ruoth Nyasaye ka mich moyiedhi.

Kwan 8:8

Bang’ mano gikaw nyarwath mondo otimgo misango miwang’o pep. In to nikaw nyarwath machielo mondo otimgo misango mar golo richo.

Jo-Hibrania 9:22

Chutho, kaluwore gi Chik Musa to chiegni ni gik moko duto ipwodho gi remo, kendo ka remo ok ochuer, to golo richo onge.