Kwan 7:88 - MUMA MALER 2015

⁸⁸ Kar romb jamni mitimogo misango mar sawo ne ruedhi piero ariyo gang’wen gi imbe piero auchiel gi nywogi piero auchiel kod nyiimbe oiero auchiel ma hikgi achiel achiel. Mago e gik mane ochiw mondo owalgo kendo mar misango chieng’ mane iwire.

Motingʼo Loko Manyien

⁸⁸ Kar kwan jamni duto mane ochiw kaka misango mar lalruok noromo rwedhi mabwoch piero ariyo gangʼwen, imbe piero auchiel, nywogi piero auchiel kod nyiimbe piero auchiel ma jo-higa achiel. Magi e misengini mane ochiw e kendo mar misango kane osepwodhe.

Kwan 7:88 Iomraidhean Croise

Tim jo-Lawi 3:9

Bang’ mano, ng’atno nyaka pog boche duto kaka sembe mong’ad gie lihumblu, gi boche mag jambich,

Kwan 7:1

Chieng’ mane Musa otieko chungoe Hema Maler, nowirogo gi mo mowale ni tich Nyasaye, kaachiel gi gige duto kod kendo-mar-misango gi gige duto.

Kwan 7:10

Kane owir kendo-mar-misango gi mo, jodongo nokelo chiwogi e nyim kendono mondo owalego.

Kwan 7:84

Gik mane jodong Israel ochiwo mondo owalgo kendo mar misango chieng’ mane iwire e magi: Nyilerni mag fedha apar gariyo gi tewni mag fedha apar gariyo kod kikombe mag dhahabu apar gariyo.

Kwan 7:87

To kar romb jamni duto mitimogo misango miwang’o pep ne ruedhi apar gariyo gi imbe apar gariyo gi nyiimbe apar gariyo ma hikgi achiel achiel achiel, kaachiel gi misengni mag cham michiwo kodgi kaka chik dwaro, kod nywogi apar gariyo mitimogo misango mar golo richo.