Kwan 7:1 - MUMA MALER 2015

¹ Chieng’ mane Musa otieko chungoe Hema Maler, nowirogo gi mo mowale ni tich Nyasaye, kaachiel gi gige duto kod kendo-mar-misango gi gige duto.

Motingʼo Loko Manyien

¹ Kane Musa osetieko gero hekalu, nogwedhe, kendo owale gi gik moko duto manie iye. Bende nogwedho kendo owalo kar kendo mar misango kod gik moko duto mitiyogo e kendono.

Kwan 7:1 Iomraidhean Croise

Chakruok 2:3

Noguedho chieng’ mar abiriyo, kendo nowale mondo obed maler, nikech chieng’no ema noyueyoe bang’ chueyo gik moko duto.

1 Ruodhi 8:64

Chieng’ono ruoth nopwodho dier laru mane nie nyim Hekalu mar Ruoth Nyasaye, nikech kanyo ema notimoe misengni miwang’o pep, gi misengni mag sawo, nikech kendo-mar-misango mar mula mane nie nyim Ruoth Nyasaye ne tin, mane ok nyal timie misengnigo duto.

Wuok 13:2

“Nyathi ka nyathi makayo nyaka walna, nikech dhano kata chiayo mokwong nywol e Israel en mara.”

Wuok 29:36

“Odiechieng’ kodiechieng’ kuom ndalo abiriyo duto, nyaka itim misango mar golo richo gi nyarwath mondo opwodhgo richo. Kamano inipwodh kendo-mar-misango, kitimo misango mar golo richo kuome, kendo iniwire gi mo kiwalego ni tich Nyasaye.

Wuok 40:11

Bende iwir karaya kaachiel gi rachungine mondo iwalego.

Kwan 17:2

“Nyis jo-Israel mondo jotend dhoot ka dhoot omiyi luth achiel achiel, duto ludhe apar gariyo, ma moro ka moro ondikie nying jatelo ka jatelo.

Kwan 7:10

Kane owir kendo-mar-misango gi mo, jodongo nokelo chiwogi e nyim kendono mondo owalego.

Kwan 7:84

Gik mane jodong Israel ochiwo mondo owalgo kendo mar misango chieng’ mane iwire e magi: Nyilerni mag fedha apar gariyo gi tewni mag fedha apar gariyo kod kikombe mag dhahabu apar gariyo.

Kwan 7:88

Kar romb jamni mitimogo misango mar sawo ne ruedhi piero ariyo gang’wen gi imbe piero auchiel gi nywogi piero auchiel kod nyiimbe oiero auchiel ma hikgi achiel achiel. Mago e gik mane ochiw mondo owalgo kendo mar misango chieng’ mane iwire.

Mathayo 23:19

Mano kaka un muofni! Ere gima duong’? Chiwo koso kendo-mar-misango mamiyo chiwo bedo mowal ni Nyasaye?