Kwan 6:5 - MUMA MALER 2015

⁵ “E kindeno duto bende mirich ok noka wiye, to nowe yie wiye dongi, kendo nokadgi akada, nyaka ndalo mag kuong’ruok norum. Enoritre maler ni Ruoth Nyasaye.

Motingʼo Loko Manyien

⁵ “ ‘E thuoloni duto ma en e bwo singruok mar bedo tenge, wiye ok noliel gi wembe. Enorite maler ne Jehova Nyasaye nyaka ndalone mag kwongʼruok norum; kendo enopidh yie wiye maboyo.

Kwan 6:5 Iomraidhean Croise

Ezekiel 44:20

“Jodolo kik liel wigi, to bende kik giwe wigi yugno ahinya, to nyaka ging’adgi maber.

Kwan 6:4

E kinde duto ma okuong’ore ni obiro bedo ja-Nazirno, ok nomul gimoro amora moa kuom yadh mzabibu kata matin.

Tich Joote 18:18

Bang’ wechego, Paulo nobet Korintho gi owete kuom ndalo mang’eny, eka nogoyonigi oriti, mi okwang’ odhi Siria ka gin gi Priskila kod Akula. Kane pok gikwang’ gidhi, ne oliel wiye Kenkrea, nikech kuong’ruok moro mane osekuong’orego.

Jong’ad Bura 13:5

nikech ibiro mako ich, kendo nywolo nyathi ma wuowi. Mirich kik ka wiye, nikech chakre chieng’ monywole, nobed ja-Nazir, ng’at mowal ni Nyasaye. En ema nokwong kedo gi jo-Filistia mondo ores jo-Israel e lwetgi.”

Jong’ad Bura 16:17

Omiyo nohulone adiera, konyise niya, “Nyaka ne nywola mirich pok okayo wiya, nikech an ja-Nazir, ng’at mowal ni Nyasaye. Koliela, to tekona dirum, kendo anyalo bedo mana machalre gi ji mamoko.”

Jong’ad Bura 16:19

Delila nohoyo Samson, mi Samson nonindo koteno wiye e chonge. Eka Delila noluongo ng’at moro molielo orimba yie wi Samson abiriyo. Bang’e Delila nochako tueyo Samson, mane oyudo tekone koro osea.

1 Samuel 1:11

Nokuong’ore kowacho niya, “A Ruoth Nyasaye Manyalo Gik Moko Duto, ka inine chandruokna, kendo ipara an jatichni, ma ok wiyi owil koda, mi imiya nyathi ma wuowi, to anachiwnigo, mondo obed mari ndalo duto mag ngimane, kendo mirich ok noka wiye.”