Kwan 5:9 - MUMA MALER 2015

⁹ “Mich moyiedhi duto ma jo-Israel kelo nobed mag jadolo.

Motingʼo Loko Manyien

⁹ Chiwo duto mowal ma jo-Israel kelo gin mek jadolo.

Kwan 5:9 Iomraidhean Croise

Wuok 29:28

Mago nobed lemo ma Harun gi yawuote yudo kuom jo-Israel, nyaka chieng’. En lemo moket tenge ni jodolo ma jo-Israel golo kuom misengni mag sawo. En mich ma nyaka gichiw ni Ruoth Nyasaye.

Tim jo-Lawi 10:13

Mano emomiyo nyaka uchame Kama Ler, nimar en pokni kaachiel gi yawuoti. Pok onogo ogol kuom misengni miwang’o ni Ruoth Nyasaye nikech kamano e kaka nochika.

Tim jo-Lawi 10:14

Un gi yawuotu unucham agoko gi em mar mich moyiedhi michiwo ni Ruoth Nyasaye, to nyaka uchamgi kamoro amora mowal ni Ruoth Nyasaye, nimar osemiugi kuom misengni mag sawo ma jo-Israel timo.

Tim jo-Lawi 10:15

Em kod agoko nyaka kel kaachiel gi boche mag misengni miwang’o ni Ruoth Nyasaye, mondo obed mich moyiedhi michiwo ni Ruoth Nyasaye. To bang’e em gi agoko nodong’ni gi nyithindi kaka poku mosiko nyaka chieng’, nikech Ruoth Nyasaye ochiko kamano.”

Tim jo-Lawi 6:26

Jadolo motimo misangono ema nochame e laru mar Hemb Romo ma en kama oyang ni Ruoth Nyasaye.

Tim jo-Lawi 7:32

Bende unumi jadolo em ma korachwich mar chiayo ka chiayo motimgo misango mar sawo.

Tim jo-Lawi 7:34

Agoko kod em mag chiayo ka chiayo ma jo-Israel timogo misengni mag sawo, amiyo Harun jadolo kod yawuote mondo obed mich moyiedhi migolo kuom jo-Israel nyaka chieng’.

Kwan 18:19

“Mich duto mag gik maler ma jo-Israel chiwo ni Ruoth Nyasaye, amiyo gi yawuoti kod nyigi, kaluwore gi chik mochwere. Mano en singruok mosiko ma ok kethre, ma Ruoth Nyasaye otimo kodi kaachiel gi nyikwayi bende.”

Kwan 31:41

Musa nomiyo Eleazar jadolo pok mane ogol ni Ruoth Nyasaye, kaka Ruoth Nyasaye nochike.

Kwan 5:8

Ka ng’atno osetho, to oonge gi jaodgi mahie ma dichul kuom kethono, to chudono kaachiel gi im ma jadolo pwodhogo jakethono nobed mar Ruoth Nyasaye, kendo nodong’ ni jadolo.

Rapar mar Chik 12:26

To chiwo mowal ni Ruoth Nyasaye, kod gik mukuong’oru ni ubiro chiwo, nyaka ukel kama Ruoth Nyasaye biro yiero.