Kwan 5:3 - MUMA MALER 2015

³ Nyaka uketgi gidag oko mar kambi, bed ni gin chwo kata mon, mondo kik gidwany kambeu, kuonde ma adake kodu.”

Motingʼo Loko Manyien

³ Riemb chwo kod mon duto mondo giwuok oko mar kambi; kik ginjaw kambi nikech adak e diergi.”

Kwan 5:3 Iomraidhean Croise

1 Ruodhi 7:3

Ne oumo wiye gi bap sida, mokadho ewi sirni piero ang’wen gabichgo. E laini ka laini nochanie sirni apar gabich.

Zaburi 68:18

Oidho malo, ka otelo ni joma omako e lweny. Bende oseyudo mich, koda ka kuom joma piem kode. Ruoth Nyasaye nodag kanyo nyaka chieng’.

Wuok 25:8

Bang’ mano gigerna Kama Ler mondo adag kodgi.

Wuok 29:45

Anadag gi jo-Israel, mi anabed Nyasachgi,

Isaya 12:6

Un joma odak Sayun, koguru gi mor, nimar Ng’ama Ler mar Israel odak e dieru gi duong’ne duto.”

Tim jo-Lawi 14:8

Ng’at mipwodhono nolwok lepe, kendo noliel yie dende duto, mi nolwokre gi pi, eka nobed mopwodhore. Bang’ mano onyalo donjo e kambi, to ok nonind e hembe nyaka ndalo abiriyo rum.

Tim jo-Lawi 15:31

Kamano e kaka unusiem jo-Israel kuom bet mogak, nimar dipo ka gidwanyo Kar Dakna Maler manie kindgi, mi githo nikech gakgino.

Kwan 16:3

Ne giriwore giduto ni Musa gi Harun, mi giwachonigi niya, “Marang’o uhedhoru moloyo, to ng’ato ka ng’ato kuom oganda jo-Israel owal ni Ruoth Nyasaye, kendo Ruoth Nyasaye ni kodgi giduto. Ere gima omiyo ukaworu moloyo jo Ruoth Nyasaye duto?”

Kwan 19:22

Gimoro amora ma ng’at mogak omulo bedo mogak, kata ng’at momulo gino bende bedo mogak nyaka chieng’ podhi.”

Kwan 35:34

Kik uchid pinyu mudakie, kendo ma an bende adakie, nimar an Ruoth Nyasaye adak e kind jo-Israel.”

Kwan 5:4

Omiyo jo-Israel nogolo joma nigi tuoche ma kamago e kambi, mana kaka Ruoth Nyasaye nonyiso Musa.

Rapar mar Chik 23:14

Nyaka utim kamano nikech Ruoth Nyasaye ma Nyasachu wuotho kuonde duto e kambiu, mondo oritu kendo omiu loyo wasiku. Emomiyo kambiu nyaka bed maler, mondo kik Ruoth Nyasaye nwang’ie gimoro marach ma dimi oweu.

Rapar mar Chik 23:15

“Ka misumba moro opondo koa e piny moro, mi oringo obiro iru, to kik uduoke ni ruodhe.

2 Jo-Thesalonika 3:6

To owetewa, wachikou e nying Ruodhwa Yesu Kristo ni, pogreuru kuom owete mabudho abudha kayiem nono, kendo ok luw chik mane uyudo kuomwa.

Tito 3:10

Kisesiemo ng’at makelo pogruok diriyo, to weri kode chuth!

Fweny 21:27

To gimoro amora ma ok ler, kata ng’at matimo gik mamono, kata mariambo, ok nodonjie ngang’ to mak mana jogo ma nyinggi ondiki e kitap Nyarombo mar ngima.

Fweny 21:3

Ne awinjo dwol maduong’ moa e kom maduong’ kawacho niya, “Koro Nyasaye osebiro dak gi ji! Obiro dak kodgi kendo ginibed joge. Nyasaye owuon biro bet kodgi, mi obed Nyasachgi.